雅虎香港新聞 充氣奇觀風波︱大會否認曾用綠光照金字塔 《Yahoo新聞》無調色原圖還原真相
【Yahoo 新聞報道】《Yahoo 新聞》上周多角度拍攝中環「充氣世界奇觀」展品，其中被綠光照射的「埃及金字塔」，被網民揶揄似遮蓋屍體的帳幕。在周六（6 日）《Yahoo 新聞》獲概念原創者 Joann 獨家回應，指展品醜陋要求停止展覽。展覽策展人區瑞蓮（Grace Au）今早（8 日）在商台節目《在晴朗的一天出發》回應時，否認曾用綠燈照射金字塔，「呢啲唔係真相嚟」。
《Yahoo 新聞》攝影記者是於 7 月 3 日晚上拍攝該批金字塔相片，照片均沒有經過色彩調整。
「無綠色金字塔出現過」
「綠色金字塔」成為展覽關注點之一。區瑞蓮今日在商台節目中表示，「開頭傳得好緊要嘅相，基本上係我哋未完成嘅作品；我哋亦冇一個綠色金字塔嘅燈。呢啲唔係真相嚟。」
主持之後追問，到底金字塔的綠色只是場地試色，還是從來沒有出現；區瑞蓮回覆，「我哋從來無出現過綠色燈，因為我哋有 12 種顏色。當時我哋都仲未 set up 好，仲未開始；因為我哋呢個場地比較空曠，可以喺網外面拍到相，我唔知道點解會有呢張照片，因為我哋追溯唔到。但係我哋根本上冇一個綠色金字塔出現過。」區瑞蓮並且說，「我哋睇到呢個係粉紅同埋粉白色嘅一個幻彩。」
《Yahoo 新聞》翻查紀錄，本網攝影記者在 7 月 3 日晚上 8 時 22 分至 8 時 34 分，到中環海濱拍攝「充氣世界奇觀」展品。除了現時廣泛流傳的「綠色金字塔」外，金字塔亦曾經出現過紅色燈光、藍色燈光、紫色燈光造型。至於包括「巨石陣」在內的其他展品，亦曾經出現過綠色、藍色、紫色等不同顏色的燈光造型。《Yahoo 新聞》發布的照片未經過色彩調整。
區瑞蓮上周曾承認綠色相片為「測試階段」
上周四（4 日），展覽舉辦傳媒預覽活動，區瑞蓮已被傳媒追問綠燈設計，她當時沒有否認綠光的存在，「其實我哋啲顏色係會變嘅，你要 capture 嗰個（綠色）moment，我哋係幫唔到嘅！因為顏色係幻彩嘅」。
被記者追問會否避免使用某一種顏色燈光時，區當時回應稱：「我覺得順其自然啦，其實個燈光係有 8、9 種不斷變緊，如果有人鍾意 capture 嗰種顏色就隨意，因為佢都係不斷幻彩。網上嘅綠色相片就係仲係測試階段，不過出到嚟都係會不斷變色。」
「佢有表達一啲憂慮」
區瑞蓮表示，事件發生後仍有收到 Joann 傳來的電郵，「佢有表達一啲憂慮，我亦畀返我哋大會嘅照片畀佢睇，因為我哋唔控制到其他人發咗咩嘢照片畀佢睇。」
區瑞蓮指，Joann 至今收到很多傳媒的查詢，指對方「好驚，已經有啲唔知點回應」，於是提出邀請她來香港，「第一，照片未必完全表達到真相，另外就係有好多嘢係一個比例，一個視覺效果，或者一些角度；我們最高嘅係十幾米，就係十個人高嘅表現裝置，咁喺圖係睇唔到嗰個比例，咁你喺現場就會覺得，『哇，很大很高啊，或者好得意啊』。」
稱沒有直接收到 Joann 停辦要求
Joann 周六（6 日）回覆《Yahoo 新聞》時曾經表達，因為展覽醜陋，希望能夠停止展覽（“The only thing is, I don’t like my name on this ugly exhibition. But the concept is mine. So I would love it to be stoped.”）。
區瑞蓮今早被《晴朗》主持問到，Joann 有否向她們表達這個訴求，區瑞蓮回應指「佢（Joann）完全無直接講過呢句說話，對我哋」，沒有表達以上要求。區指出，根據周日（7 日）凌晨收到的電郵，Joann 曾經指她看到一些不美的照片，「very ugly photo」，於是就嘗試解釋，並且嘗試邀請對方來港。
區瑞蓮又指，藝術本來就是見仁見智的事物，對於坊間的說法會盡量澄清，同時希望「大眾可以親身親眼嚟睇，唔好只係活喺網絡世界」，並稱白色的藝術裝置在藍天白雲下其實相當美觀，過去周末已經有不少人前來打卡，樂在其中。
【充氣奇觀風波】
7 月 3 日：
中環海濱五大「充氣世界奇觀」搶先曝光！ 最巨型高達 13 米 晚上發出不同色彩︱Yahoo
「充氣世界奇觀」聳立中環 入夜變綠色金字塔 旅客：缺吸引力寧願遠足︱Yahoo
7 月 4 日：
中環「充氣奇觀」被批醜樣似墓碑 策展人：白色代表優雅，香港好多顏色唔用得｜Yahoo
7 月 6 日：
Yahoo獨家｜中環「充氣奇觀」原創藝術家要求停辦 專訪申訴：好醜樣、唔啱比例
7 月 7 日：
港府每月收主辦方百萬元租金 海濱會活動前無收諮詢 區議會無權監管內容︱Yahoo
7 月 8 日：
大會否認曾用綠光照金字塔 《Yahoo新聞》無調色原圖還原真相
展品一度被放氣 下午吹脹重開 工作人員：無收到消息會暫停｜Yahoo
策展人稱綠色金字塔「唔係真相」 Yahoo 公開照片原始 RAW 檔 證零加工修改
曾指綠色金字塔「唔係真相」 主辦方同日「轉軚」：有可能短暫出現綠色︱Yahoo
主辦方就爭議致歉 代原創者發聲明確認展前沒預覽實物︱Yahoo
7 月 9 日：
