鄭州水災藝人響應捐款 Angelababy黃曉明被內地網民鬧捐得太少

Angelababy & 黃曉明
Angelababy & 黃曉明

河南省連日暴雨成災,而災情最為嚴重嘅就係鄭州市。除咗有好多企業關注和捐款之外,唔少藝人都紛紛響應轉發貼文、捐錢、捐物資,甚至有藝人趕赴鄭州支援,實行齊心協力,助鄭州市民渡過難關,不過就有藝人因為捐錢捐得少,而被內地網民鬧爆。

香港有唔少藝人都熱心捐款,例如謝霆鋒(100萬人民幣)、陳偉霆(100萬人民幣)、GOT7香港成員王嘉爾(100萬人民幣)、Angelababy(50萬人民幣)、陳冠希和秦舒培(50萬人民幣)、王祖藍和李亞男(50萬人民幣)、容祖兒(50萬人民幣)、蔡卓妍(50萬人民幣)、惠英紅(30萬人民幣)、鍾欣潼(30萬人民幣)、李克勤(30萬人民幣)、楊千嬅(30萬人民幣)及李若彤(20萬人民幣)等等。

唔少內地及台灣藝人都紛紛響應,不過佢哋嘅捐款數目就成為網民嘅熱門討論話題。黃子韜今次除咗捐出300萬人民幣之外,佢亦吩咐員工將旗下時裝店嘅衣物下架,並捐到災區及救援隊伍。另外,仲有唔少藝人捐款,例如五月天(300萬人民幣)、彭于晏(100萬人民幣)、江疏影(100萬人民幣)、佟麗婭(100萬人民幣)、景甜(100萬人民幣)、章子怡和汪峰(100萬人民幣)、李榮浩和楊丞琳(100萬人民幣)、趙又廷和高圓圓(100萬人民幣)及楊冪(100萬人民幣)等等。

與Angelababy並列內地一線嘅女星唔少都捐出100萬,而Angelababy同老公黃曉明就分別捐出50萬人民幣和20萬支礦泉水以及1萬支消毒用品,唔少內地網民就唔收貨,話佢哋捐得太少,紛紛留言話:「捐款50萬拜託就別發了」、「捐贈的太少了 與你的身份和位置不相符」、「50萬不夠呀,baby」、「一部劇下來也幾個億了」、「臉皮真厚,捐50萬掛熱搜兩天」及「你就捐了五十萬,丟不丟臉啊?」等等。另外,除咗Angelababy同黃曉明之外,王祖藍及鍾欣潼等人亦有網民指出手太低,例如留言話:「首席創意官捐咁少?!」及「阿嬌直播打賞小鮮肉都4萬喎?」。

另外,亦有網民認為捐錢係一份心意,並唔係一個比賽,所以唔應該用金錢去衡量善心,同埋唔應該被道德綁架。

Angelababy
Angelababy
黃曉明
黃曉明
陳偉霆
陳偉霆
鍾欣潼 & 蔡卓妍
鍾欣潼 & 蔡卓妍
楊千嬅
楊千嬅
黄子韜
黄子韜
楊冪
楊冪

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!