【酒店比併】韓國濟州島 3大特色酒店！超低Budget住「四季」？

冬天去韓國，大家係咪會想起冰天雪地？不過南下濟州其實天氣仍然未至於落雪，5至6度而且陽光充足，感覺溫暖。濟州近幾年因為韓劇取景，加上國家宣傳，吸引唔少遊客前往，而且四季各有活動，夏天可以遊水、浮潛；冬天可以賞花、看海。以下介紹濟州三大特色酒店，各有不同方向，不如睇下有邊間啱心水啦！

最抵海景酒店

濟州市區位於北部，當中最鬧市區域就係舊城區，當中毗鄰多個熱門景點東門市場、中央地下街，就係呢間「濟州島海藍麗景酒店」。最大特色就係酒店客房有落地玻璃，超近海景！而且酒店並非高格調貴價路線，反而走經濟實惠方向。又近市區又有海景，性價比極高！

入住報告

舒適度：****（以5星為滿分）

酒店並非十分豪華，不過仍然光猛明麗，客房四正，面積雖然不太，不過全部高級房都有無敵海景，讚！

設施：***

未有太多設施，不過尚有Gym房，酒店出面就有海濱長廊，可以睇日落，影相必去！

性價比：*****

由於冬天屬於濟州淡季，高級房大大殺價至連稅每晚約$700 ；呢個地區呢個景觀，一流！

濟州島海藍麗景酒店 Hotel Regent Marine The Blue

預訂：按這裡

新開商務酒店

濟州市區分為兩大區，一為舊城區，另外就係新城區； 新城區就係蓮洞，都有購物中心、步行街。而呢間開業2年左右嘅「世界濟州價值酒店」就係新城區中比較新嘅酒店。走商務路線，精緻低調，同樣有海景望。而酒店最大賣點就係距離國際機場近，亦好近附近商圈、步行街，Shopping到夜一夜都唔怕！

入住報告

舒適度：*****（以5星為滿分）

酒店夠新淨，而且走精緻路線，客房用上柔和光線，頗有家的感覺。加上有落地玻璃望落大海景，舒服！

設施：***

由於主打商務，所以未有泳池等設施，只有普通Cafe餐室，唔好期望太多。

性價比：***

普通房大約$600一晚，喺新城區尚算便宜，而且仲係海景新酒店，都抵！

世界濟州價值酒店 Hotel Air Jeju

預訂：按這裡

超低Budget住「四季」？

大家唔好太開心，因為呢間「FourSeasons」並非真係四季酒店集團，反而喺濟州島其中一間最出名嘅Budget民宿酒店。離機場只有11分鐘，一個巴士站就到，不過要坐巴士先出到去市中心，略有不便。酒店為民宿路線，只有基本設施，房間有啲逼，有部分甚至無窗，不過都算乾淨衛生。作為Budget有限，或者諗住長住嘅朋友，可以考慮！

入住報告

舒適度：***（以5星為滿分）

民宿酒店當然唔可以太高要求，未必個個可以忍到窗都無；不過酒店乾淨，已經夠啦。

設施：***

設施、服務都無乜太多，不過酒店位處郊外，外面空間大，四圍都可以遊走，酒店亦非常大，公眾空間多，影相打卡都可以。

性價比：*****

連埋稅二人房都係$300左右，而且仲有特大家庭房等，適合一家大細，同時適合Budget唔多嘅旅客。

濟州四季酒店（Hotel FourSeasons）

預訂：按這裡

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊