金像獎︳林家棟陪85歲謝賢上台領獎 網友問重點︰霆鋒呢?

金像獎︳林家棟陪85歲謝賢上台領獎 網友問重點︰霆鋒呢?
金像獎︳林家棟陪85歲謝賢上台領獎 網友問重點︰霆鋒呢?
金像獎︳林家棟陪85歲謝賢上台領獎 網友問重點︰霆鋒呢?
金像獎︳林家棟陪85歲謝賢上台領獎 網友問重點︰霆鋒呢?

縱橫影壇六十幾年嘅四哥謝賢,憑《殺出個黃昏》榮獲香港電影金像獎最佳男主角,以85歲之齡成為最大年紀嘅影帝。

尋晚四哥領獎時,由電影嘅監製及編劇林家棟陪伴在側。家棟唔止只係扶佢上台,仲照顧得好周到,四哥致詞時多次想除口罩,但家棟都幫佢帶返,並解釋「人多,醫生叮囑最好唔好」。而四哥未有說話想講時,家棟亦幫手搞氣氛。

金像獎︳林家棟陪85歲謝賢上台領獎 網友問重點︰霆鋒呢?
金像獎︳林家棟陪85歲謝賢上台領獎 網友問重點︰霆鋒呢?
金像獎︳林家棟陪85歲謝賢上台領獎 網友問重點︰霆鋒呢?
金像獎︳林家棟陪85歲謝賢上台領獎 網友問重點︰霆鋒呢?

從電視畫面所見,四哥行動有少少「論盡」,而且出現「大細眼」,唔少網民都擔心四哥嘅狀態。亦有網友好奇想知「點解陪四哥上台嘅,係林家棟,唔係謝霆鋒?」。四哥得獎後,霆鋒都有喺facebook出post貼上四哥為大會影嘅相,並寫上「恭喜老豆」。而身在加拿大嘅四哥細女謝婷婷,亦在IG出post祝賀,並以英文寫道「你實至名歸,我為你驕傲,你是個傳奇」。

金像獎︳林家棟陪85歲謝賢上台領獎 網友問重點︰霆鋒呢?
金像獎︳林家棟陪85歲謝賢上台領獎 網友問重點︰霆鋒呢?
金像獎︳林家棟陪85歲謝賢上台領獎 網友問重點︰霆鋒呢?
金像獎︳林家棟陪85歲謝賢上台領獎 網友問重點︰霆鋒呢?

11年前霆鋒「爬頭」老父,以31歲之齡憑《線人》成為香港電影金像獎最佳男主角,當時霆鋒喺台上重提舊事。霆鋒話以前四哥成日同佢講「你知唔知道你細個嘅時候,我拍過幾百部電影?」,到18歲霆鋒得到金像獎最佳新演員後,佢將獎座放上枱,然後同老豆講「你話你拍過幾百套戲,你有冇拎過金像獎?」。霆鋒同電視前睇住頒獎禮嘅四哥講「我希望你唔好擺呢番說話喺心入面,希望你原諒一個不知天高地厚、無禮貌嘅小朋友。可以養大一個咁麻煩嘅小朋友,仍然對住大家笑面迎人嘅,你先係真正最佳男主角。對唔住」。

金像獎︳林家棟陪85歲謝賢上台領獎 網友問重點︰霆鋒呢?
金像獎︳林家棟陪85歲謝賢上台領獎 網友問重點︰霆鋒呢?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能