鐵拳英雄|71歲元秋演得又打得 7歲開始學藝仲拍過007電影

元秋

無綫劇集《鐵拳英雄》正在熱播中,由《城寨英雄》班底製作,而演員陣容亦非常鼎盛,當中元秋嘅演技,更加獲得唔少觀眾大讚。元秋做戲好大家都應該知,最深入民心嘅係電影《功夫》中嘅包租婆,佢嘅演出成功將角色演活,更奪得「第42屆金馬獎」最佳女配角及「第28屆大眾電影百花獎」最佳女配角兩個獎項。而今次喺《鐵拳英雄》飾演丁細鳳,經歷喪父及子女失散之痛,後來更變得瘋瘋癲癲。除咗感情戲之外,元秋亦有唔少拳拳有力嘅武打戲,絕對唔會比年輕演員輕鬆,唔講都唔覺佢已經71歲。

元秋喺1950年於香港出世,當時屋企生活艱苦,再加上父母重男輕女,所以佢7歲時已經被送去學藝,成為于占元徒弟,比洪金寶、成龍、元華及元彪等更早學藝。之後,元秋成為一名武打演員,幫過唔少當紅女星擔任替身演員,後來佢亦開始拍攝武打電影《女警察》及《頂天立地》等等,更曾出演出007電影《007:金槍人》飾演Lieutenant Hip的姪女Nara。其實除咗拍電影,元秋亦有參與唔同地方嘅劇集拍攝,例如香港《鐵馬尋橋》、台灣《你照亮我星球》及內地《A計劃》等等,演技備受觀眾肯定。而同佢相差10歲嘅妹妹文雪兒亦係唔夠16歲就加入邵氏,更大受力捧。

最估唔到係佢喺上位期間選擇結婚,當年佢只得24歲同一名圈外人拍拖,就算身邊所有人反對,佢都無理會,更拍拖幾個月就閃婚。元秋更為咗維持婚姻而退出娛樂圈,專心相夫教子,更出錢支持丈夫創業。不過元秋多年賺嘅錢,通通俾老公敗光,但佢為咗仔女而冇選擇離婚,直至小朋友長大先分開。後來一班師兄弟邀請佢「出山」,最終佢就接拍電影《功夫》復出。

《鐵拳英雄》劇照
《鐵拳英雄》劇照
元秋
元秋
元秋
元秋
元秋
元秋
《鐵拳英雄》劇照
《鐵拳英雄》劇照
《鐵拳英雄》劇照
《鐵拳英雄》劇照
《鐵拳英雄》劇照
《鐵拳英雄》劇照
《鐵拳英雄》劇照
《鐵拳英雄》劇照
《鐵拳英雄》劇照
《鐵拳英雄》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!