「長平」張光怡王子蝶 密密食谷脂

齋睇表情都知張光怡幾驚青!
齋睇表情都知張光怡幾驚青!

上圍32吋的王子蝶與張光怡同屬「長平公主」,腰圍亦只有22吋,同樣不足100磅。張光怡在台上相當騰雞,身體不時抖震,她受訪時坦言:「覺得自己好似不倒翁,可能未夠熟練上台,呢排不停準備、排練。」問是否減肥穿泳衣而怕凍?她說:「唔關事,啲佳麗笑我似兔仔,成日不停口食菜同肉,樣樣食少少咁!」

至於王子蝶自言食很多東西,前晚還食杯麵:「個個都要減肥,我就希望增肥10磅。」問會否擔心身形輸蝕,她揚言對自己有信心,張光怡則笑說:「細有細嘅好,大有大嘅好!」

王子蝶隊杯麵「谷脂」,目標增肥10磅。
王子蝶隊杯麵「谷脂」,目標增肥10磅。