阮兆祥𢱑撈認黎耀祥做老竇

「雙祥」組合黎耀祥及阮兆祥為「繽FUN Live」擔任嘉賓，大談合作節目《雙祥見》愈拍愈有默契，阮兆祥直言欣賞黎耀祥，更把握機會「𢱑撈」，自薦在劇集《巾幗梟雄4》再續「前緣」，黎耀祥即笑指：「你可以做我同鄧萃雯個仔。」

黎耀祥及阮兆祥前晚接受繽FUN主播俞詠文訪問，阮兆祥大爆黎耀祥「怕生保」：「熟嘅朋友佢好容易打開心胸，分享咩都得，但唔熟就會好似隔住幅牆。」

提到在《雙祥見》中玩「揞名爆」大爆圈中秘聞，但2人坦言未有因此與人結怨，黎耀祥說：「雖然講到某啲人有缺點，但其實過咗咁耐大家都冇放喺心，就算依家撞番面都冇嘢。」曾分別扮歌手羅文的他們，更即席合唱《激光中》，炒熱氣氛。阮兆祥亦重提執黎耀祥二攤，拍《溏心風暴》而得獎一事，感謝對方帶挈，黎耀祥則大讚他實至名歸。

期待與鄧萃雯續前緣

此外，提到有指鄧萃雯回歸拍《巾幗梟雄4》，黎耀祥指尚未落實：「有聽聞會籌備，暫時未有具體資料，希望會成事，有確實資料再公布。咁我都期待嘅，雯女（鄧萃雯）係一個好對手，《巾幗》之後都冇再合作過，同埋我哋嘅化學作用好得意，大家唔係特別熟，但出嚟效果觀眾又好鍾意。」在旁的阮兆祥即自薦加入，黎耀祥笑指：「佢可以做我哋個仔。」阮兆祥即發揮幽默本色，想好角色設定：「講我有個怪病，一出世就咁老，再唔係話收養我都得。」