雅虎香港新聞 阿SA曬婚照！蔡卓妍與百億男友石恆聰愛得甜蜜
TWINS阿嬌之前幸福出嫁，好姊妹阿SA喊到妝都溶咁見證呢件大事，而阿嬌仲親手送上花球俾阿SA，祝福阿SA都可以早日同男朋友拉埋天窗。就係最近，阿SA突然喺社交網站公開婚紗照，引嚟粉絲們紛紛留言：「係咪結婚喇？」、「祝福阿SA！」
阿SA頭戴白紗，低頭地微笑，面露幸福嘅表情，並寫下「說時遲那時快」，兼Tag埋阿嬌，多謝佢當初嘅花球。但其實，只係虛驚一場，呢張並唔係阿SA嘅婚紗照，只係劇照，新朗就係吳浩康，佢哋一齊拍戲啫。
蔡卓妍同男友石恆聰嘅戀情於上年四月曝光，二人都係造型師馬天佑嘅朋友，喺一班朋友聚會中碰面，但頭幾次嘅見面都無交流，去到第四五次嘅見面，佢哋先交換聯絡方法，一步一步發展感情。
當時戀情曝光後， 蔡卓妍就表示：「現在很開心，多謝關心。」而蔡卓妍亦經常被拍到出入石恆聰於畢架山嘅三億豪宅屋企，關係越嚟越好。
每次問到蔡卓妍同男友嘅感情狀況時，蔡卓妍都要甜絲絲地回答，有次問到佢哋二人係咪同居，佢就回應：「有分數了！不想交代太多私事，總之樣樣都幾好！」
百憶男友雖然有家底，但依然好上進，為事業而努力，不時要出差到外地打點旗下嘅建築、房地產生意，同埋物業管理公司，同阿SA一樣非常忙碌，所以佢哋一有時間都會見面，或者一齊去旅行。
而阿SA亦經已完全融入男友嘅屋企，同男友嘅家人關係都好好。之前阿SA去印度買珠寶，石恆聰嘅家姐都有陪佢一齊去，相信佢哋嘅家人都好支持呢段關係呢。
阿SA亦不時大讚男友100分，對佢溫柔又體貼，知道阿SA成日唔記得帶紙巾，男友就會塞紙巾落佢手袋，呢份細心真係好難得啊！阿SA喺男友面前，亦可以做自己，平時叔工好大壓力，好攰，喺男友面前可以放下煩惱，輕輕鬆鬆地做自己，有時撒撒嬌，有時低低能能的，搵到舒服嘅相處方式，應該打風都打唔甩啦。
能夠搵到個咁夾嘅人，真係好替蔡卓妍開心呢。之前問到蔡卓妍會唔會同男友結婚，佢就表示自己年紀都唔細了，希望可以減少工作量，花時間去享受下人生，仲話如果時機到，好有可能會閃婚架，相信粉絲們都等緊阿SA宣布結婚嘅時刻喇！
前往瀏覽完整內容:
