張致恒太太雯雯稱將行「最後一步」賺大錢：唔係殺人放火都係一個行業

張致恒（Steven）與太太區燕雯（雯雯）四年抱四，加埋屋企3隻狗，經濟拮据，曾透露銀行戶口長期無錢，上個月屋企更加被斷電，張致恒POST出支付平台收款QR CODE叫網民捐錢以度過難關。另外，雯雯自爆家中連環發生不幸事件，包括囝囝入急症、愛犬患癌及自己持續肚痛，初步懷疑生腫瘤，指就算要瞓街咩都無晒，只希望所有小朋友同狗狗可以健康，唔好離開佢。呢兩日，雯雯又再喺IG限時動態更新近況，指責張致恒及表示自己將行「最後一步」。

雯雯前日（11日）於IG限時動態以「廢」形容張致恒，指對方藉口多多唔去見工：「搵晒工、問晒資料、安排晒，都可以咁多藉口唔去見，其實根本就係揀工，永遠都一堆廢話，解釋自己點解冇錢，廢！」；昨日（12），雯雯又指自己將行上「最後一步」，直言只有咁做先可以重新生活：「要在兩日內變大錢，除非中六合錢，如果唔係，只有行最後一步只有行到呢一步就可以重新生活，加油，一定冇事 只有捱過一欠（次）一切就解決」，又指為咗小朋友同狗狗唔會驚：「我一定得，什麼都不怕，只要唔係殺人放火，其實都係一個行業。」

網民都對雯雯所講嘅「最後一步」感好奇，更留言指佢一直都做緊乞子同騙子，認為雯雯咁講都係想引人討論：「『捱過呢關一切就解決』呢句說話都唔知講咗幾多次」、「其實咪又係特登咁講 引人討論」、「快啲捐錢，大家唔好逼良為倡」、「佢地兩公婆好明顯就完全冇諗過降低生活質素，一唱一和扯貓尾，當係上演離婚連續劇咁樣貼個QR CODE乞食」、「究竟佢係要搵錢生活，定係要變大錢，咁大個人唔識腳踏實地」、「佢講野同佢老公一樣，咩搵急錢，過左呢關一定得，根本兩個就係騙子，兩個鬧交其實扮嘢」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！