陳凱琳上周產子 取名鄭承亮 鄭嘉穎再做人父 晒全家福報喜

【星島日報報道】陳凱琳去年情人節為鄭嘉穎誕下大仔鄭承悅（Rafael），今年5月火速宣布再度懷孕，上月揭盅亦是佗仔。昨日兩人更經社交平台開心報喜，幼子鄭承亮（Yannick）已於上星期一出世，目前母子已回家，在嚴峻疫情下平安生B，陳凱琳坦言坐月會留在家中養好身體。文：娛樂組 陳凱琳5月宣布再度懷孕，但當時未立即透露胎兒性別。直到上月與一眾好友舉行Baby Shower時，揭曉腹中BB為男嬰。昨日，再為人父的鄭嘉穎在社交平台公布幼子Yannick已出世，他上載一家四口全家福，還有親吻初生幼子的溫馨合照。嘉穎在社交網留言：「弟弟來了，母子平安！感恩感恩！」 嘉穎讚BB似媽咪 其後嘉穎回應傳媒：「多謝大家祝福，心情當然開心，母子平安，細仔面尖尖、鼻高高似媽咪多 ，最緊要開開心心、健健康康咁成長。」 陳凱琳昨日分享再做媽媽的喜悅，透露自己和BB已平安回家，第二胎生產很順利，心情愉快。她說：「好開心可以跟大家公布呢個喜事、好消息，BB係上星期一7月27日出世，目前我同BB已經安全回家，大家so far好融洽、屋企環境同大家相處，Rafael做哥哥都好乖，睇到BB 度時都好幫手，幫我 睇 BB、摸 BB，大家非常之安慰。同埋今次比起生第一胎比較有心理準備，所以自己心情都唔錯，嘻，總之成件事好順利、好暢順、喜悅。」 陳凱琳多謝大家祝福，也希望大家在疫情下平安，她表示：「 緊都會多休息，希望大家安安全全留在家，盡量都唔會出街，自己坐月呢個月都會在屋企養番好身體，多謝大家關心。」 龔嘉欣已探望BB 與陳凱琳情同姊妹的龔嘉欣，昨日在對方宣布再做媽咪之後，已即時送上恭賀，嘉欣先在社交留言：「好開心，BB好靚仔、好健康，媽咪好精神、好靚女，真係好戥你開心，Love you。」嘉欣其後向傳媒透露，在陳凱琳兩母子平安出院後，已抽空探望對方，見過Yannick第一面，大讚BB可愛，嘉欣說：「見 啦！好健康、好靚仔，真係好開心！」問到BB似爸爸還是媽媽？她更大讚：「有晒兩個 完美基因！不過最緊要係健康啦。」嘉欣本來已為好姊妹的大仔Rafael擔任契媽，會否也做Yannick的契媽，她則表示等BB大個再由他自己決定。 ■鄭嘉穎與陳凱琳一家四口合照。 ■睇嘉穎啜BB的樣子就知他幾 。 ■陳凱琳與BB已返回家中。 ■陳凱琳上周再為嘉穎多添一個兒子。 ■大仔鄭承悅去年出世後，嘉穎亦公開BB照片。（資料圖片） ■龔嘉欣原來已經探望過好姐妹陳凱琳。（資料圖片） 娛樂