陳凱琳孻仔Carlos精靈可愛 眼大又靚仔似足舅父Derek

陳凱琳（Grace）自2018年與鄭嘉穎結婚，先後誕下大仔鄭承悅（Rafael）、二仔鄭承亮（Yannick）及孻仔Carlos，四年抱三，一家五口樂也融融非常幸福。雖然Grace減少幕前拍劇工作，不過佢亦不時於社交平台分享生活點滴、湊仔日常、美妝教學及煮食心得，成功轉型做KOL，深得網民喜愛。近日Grace公開Carlos嘅正面照，眼仔碌碌嘅佢被指似足陳凱琳細佬Derek。

日前陳凱琳喺小紅書分享最新PLOG「被幸福感包圍的日常」，並寫上：「看到朋友找到喜歡的人邁向人生另一階段；看到baby每天成長對世界充滿好奇的樣子；看到自己工作活力滿滿的生活狀態，讓我感到生活中的幸福真的就在身邊。」 喺呢個PLOG中，有兩張相係Grace用孭帶孭住孻仔Carlos嘅自拍照，唔經唔覺已經三個幾月大嘅Carlos非常精靈可愛，眼仔碌碌咁望住媽咪部電話，佢嘅手腳亦非常肥美結實，不過佢個樣就唔係幾似爸爸鄭嘉穎同兩位哥哥，膚色較深嘅佢反而似舅父Derek。唔少網民睇完相片後，紛紛留言大讚Carlos基因好好，擁有大長腿、五官精緻及好可愛等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！