陳凱琳細佬移民前告白 未離港已不捨親友

得知Derek將離港,林作即跪低。

前港姐陳凱琳(Grace)龍鳳胎細佬Derek,早前晒出與爸爸合照,因膚色同混血兒外貌與爸爸「唔似樣」,再次引起網民熱議,甚至惹來「抽水王」林作挑機,出到1千萬求驗DNA,但之後林作又指收到Derek準備「避走」加拿大嘅道別影片,即跪低指收回Offer,希望Derek不要離開。事實上Derek一早計劃好移民加拿大展開生活,而日前(23日)陳凱琳亦同Derek慶祝咗可能係移民前最後一個留港歡度嘅生日,昨晚(24日)兩姊弟繼續懶理林作,各自於社交網限時動態上載慶生合照,見佢哋出海開船P,相當樂在其中,而睇番啲生日相,Derek已大感不捨,坦言一定會好掛住一班親友。