陳卓賢Ian@MIRROR個唱爆不快經歷 觀眾指離場被保安電筒照右眼 至今未恢復視力

人氣男團MIRROR成員陳卓賢（Ian）上月於亞博舉行個人演唱會，有觀眾在尾場（25日）離場被保安以電筒的強光照射右眼，以致視力受損，右眼至今仍未能恢復視力。

該名觀眾指岀，在觀看Ian演唱會後正打算從Block 15的位置走向岀口離開，途中有不少保安在場疏導人群，惟該名觀眾走到Block 12的位置時，發現自己的鞋帶鬆掉，便跪下綁鞋帶。綁鞋帶期間，一名身穿橙色服裝的男保安員在她身旁，開啟了電筒的閃燈模式照向她，她曾向保安員表示被照到「眼花」，並要求保安員停止該行為。不過，保安員當時未有停止該行為且回應她：「睇唔到點綁？」

其後，該名觀眾感覺到自己被包圍，而該名保安員以電筒照身觀眾的眼睛，令她岀現「眼前一黑」的感覺。該名觀眾詢問保安員的名字，不過保安員未有回答並離開現場。由於觀眾的眼睛受強光影響以致未能及時拍下保安員的外貌，只趕及拍攝其側面。另一位身穿黑色西裝的保安員則要求她離場，更表示「你要投訴就岀去投訴」，令觀眾心感無奈。

事後，該名觀眾於Threads撰文道：

「想問下有冇朋友喺25/7 Ian 演唱會尾場影相時會影到到呢個肥仔橙衫職員正面或任何相片！

因為當時人被強光直照眼後，現在隻眼仲未復完，仲有機會隻眼會有嚴重視力影相，

懇請幫忙分享如果有相片請幫忙提供或DM我🙏🏻🙏🏻」

她續說：

「🫶🏻🫶🏻🫶🏻

多謝大家關心同建議🙏🏻

亦感激各位同伴幫助用唔同途徑去分享出去

暫時只收到一個DM 的相片

我好想快啲捉到果個人

而家右眼到都係未睇到野

希望對隻眼可以好得返😔」

事發後六天，她再分享其情況：

「事件已經發生左已經六日,右眼仍然睇唔到野

我要做嘅嘢都做晒，得出一些官腔嘅答案，極之無奈🤷🏻‍♀️

昨晚我有兩個好朋友，知道我近排除咗出街係去睇眼科醫生就留喺屋企悶悶不樂，於是佢哋就特登出嚟接我入去亞博睇AK , 因為佢地知我實在太愛Ianson

從踏入亞博場館已經有打冷震嘅恐懼感，好怕見到每一個保安，後來朋友全程拖實我行下去Hall3 行個圈睇吓AK嘅應援區之後再去餐廳食嘢，當中見到啲識得嘅fans 朋友都有過嚟問候下我🫶🏻🫶🏻

之後我早咗啲入去場館，其中一個主要目的係想搵返當日嘅橙色衫制服略肥嘅USHER ，最後當然搵唔到啦，坐係自己位用一隻眼去搵真係有啲難度😮‍💨

直至差唔多開場時，突然間保安主管走過嚟慰問我，傾咗幾句突然間舉起手機話要同我影相，嚇到我一個措手不及（果時大約係聽到觀眾聲音講Ian同其他隊友都入場），跟住影完諗諗吓又覺得好奇怪，由上年幫朋友整AL solo應援開始開始識得呢個保安經理，之後到Mirror 演唱會咁多場，再加埋之前七日Ian solo 入去亞博都見到幾十次我哋都無影過相，今晚單住眼就特登走過嚟影相真係比佢嚇親😅，之後佢就急急腳走咗再無見過佢🤔

該名觀眾亦有觀看AK演唱會，並分享觀後感：

「跟住到AK出場，由於燈光太閃真係有啲難適應強光，唯有用心去聽，間中舉手機拍攝一些片段，睇返啲相只有矇矇嘅AK😆，全晚都未能去enjoy 個show, 今次真係辜負咗AK😔

直到完場開燈聽到廣播，我嘅恐懼感又走返出嚟，朋友拖實我慢慢離場，其間發現喺成個演唱會保安的手上沒有電筒🔦

就算附近有人用相機影相都沒有阻攔😅

嚟緊雖然依家得返一隻眼，我都會堅強去面對，我會盡努力去幫助自己克服嘅面前嘅困難，同埋眼晴治療過程，就算醫生要我食類固醇（當然知道類固醇嘅副作用有幾多啦），呢一刻未睇到嘢我都唔會放棄自己，勇敢去面對一切！

最後衷心多謝大家嘅慰問,支持及唔同嘅建議🙏🏻🙏🏻🙏🏻

你哋嘅愛全部都收到🫶🏻🫶🏻🫶🏻」