陳漢娜細佬擁六舊腹肌試鏡《i.SWIM》失敗 女友係大10年𡃁模？

陳漢娜早前憑ViuTV劇集《IT狗》備受關注，佢曾經接受訪問指自己喜歡演戲，但覺得演員好被動，永遠等人哋選擇，所以疫情期間嘗試創作希望將來有機會成為幕後導演；而原來陳漢娜仲有個細佢一年嘅細佬Angus，同樣希望入行發展，不過佢就唔係行陳漢娜嘅文青品線，而係陽光大隻仔。

據悉，擁有六舊腹肌嘅Angus運動細胞良好，中學時期已經係田徑隊，拎過好多校際比賽獎牌，加上單眼皮似足oppa，係校內風頭躉；Angus做過救生員，而家就任職地盤，亦有一個演員夢；不過早前試鏡ViuTV新劇《i.SWIM》就好可惜落選咗。另外，即使Angus有個明星家姐都好低調，IG上分享運動照以外，僅有兩張與陳漢娜嘅合照，不過就有大量與女友嘅放閃照。

Angus女友Naomi與娛樂圈都好有淵源，16歲入行做𡃁模，現已轉做美容行業，不過早前就曾經上過ViuTV節目《晚吹戀講嘢》大談娛樂圈潛規則；而其實Naomi足足比Angus大十年有多，不過從IG甜蜜合照見到，即使有年齡差都無阻二人相愛。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！