陳瀅被嫌戲份多 馬德鐘幫口:佢都係女一

·1 分鐘文章
馬德鐘與陳瀅這對劇中情侶,襯到絕現身宣傳。
馬德鐘與陳瀅這對劇中情侶,襯到絕現身宣傳。

視帝馬德鐘與歐陽震華(Bobby)昨日聯同陳瀅、鄭子誠等於將軍澳電視城出席劇集《伙記辦大事》宣傳,劇集即將大結局,馬德鐘坦言自己亦有追看,看到劇情白熱化有點抖不過氣,而陳瀅則表示因開工未有時間收看,希望稍後能一次過煲晒。說到有網民不滿陳瀅的戲份比Bobby、馬德鐘及萬綺雯等還要多,對此她無奈地說:「好抱歉,因為臥底角色貫穿個故事,明白粉絲會想睇佢哋偶像多啲。」再說到網民指近期無綫劇有「借女一捧女二」的情況,馬德鐘為陳瀅護航表示:「呢套唔同,呢套係雙男一、雙女一。」

Bobby自薦做代言

而Bobby被問到可有再拍劇的計劃,他說:「睇吓拍咩,自己想自編自演、剪片同配埋樂,不過唔好自導。」說到萬綺雯一直沒有出席宣傳,他說:「佢喺內地搞民宿,因為往來要隔離所以返唔到嚟。佢嗰啲大生意,遲吓影城都搞埋。」他又笑言要自薦為對方的民宿做代言人。