陳自瑤預告有重要消息宣布 網民：係唔係有咗？

陳自瑤（Yoyo）與王浩信結婚9年，囡囡王靖喬都已經讀緊小學，但多年嚟屢次傳出婚變，有指原因係王浩信緋聞不斷，而且繁忙工作令到聚少離多，搞到冇安全感嘅Yoyo心死。雖然佢哋都有作出過公開澄清，但傳聞都係冇停過。早前王浩信喺《萬千星輝頒獎典禮》上再奪視帝，喺講得獎感受時罕有多謝太太，但Yoyo喺鏡頭面前木無表情，之後Yoyo都有主動向老公送抱恭賀，同埋解釋話當時好愕然，再加上天氣冷有少少不適，先至會有咁嘅表情。喺噚晚，Yoyo上載3張佢手持紅玫瑰嘅靚相，並留言話明天（5日）有消息要同大家宣佈，仲叫大家密切留意同。

網民們都好好奇Yoyo嘅公告，仲有唔少網民估佢係唔係宣布離婚兼發表獨立宣言，例如「一定係離婚」、「分居夠一年」、「獨立宣言」及「離婚展開新生活」等等，亦有網民估佢有BB，留言話：「希望你有第二胎。和浩信和好如初。」、「係唔係有咗？我比較鐘意好消息。」、「希望是二胎！」及「我估一定再有左」等等。另外，唔少網民就估係同事業有關，估佢有新劇拍，而且仲係擔正做女主角。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！