陳苑澄為業界發聲:排舞師唔好咁黐線!

陳苑澄指不少舞蹈員受欺壓,人工低、工時長。
陳苑澄指不少舞蹈員受欺壓,人工低、工時長。

MIRROR演唱會早於慘劇發生前,已被指舞台危機四伏,當中Anson Lo唱畢《King Kong》瞓身向後跌落台的動作睇到大家一額汗,最終被取消!有多年跳舞經驗的前女團As One成員陳苑澄,在社交網爆業界內幕,指有排舞師會提出不合理要求,罔顧安全:「叫Dancers 2樓打個後空翻落地呢啲,我真係聽唔少。」她寄語舞蹈員量力而為:「排舞師都唔好咁黐線,唔好再監平監賤咁賣,蝦啲學生唔識,人工又低,工時又長,紅館個台真係唔係咁易行!」

她祝福阿Mo及受傷舞蹈員早日康復、吉人天相:「其實係咪應該有人要引咎辭職呢?以及呢一行會永不錄用呢幾個人。個個講等警方調查,查就一定要查,到時係邊個要坐監邊個要賠償,到時查完會點判刑係另一回事。出軌、嫖妓、傳出醜聞的藝人都翻唔到身,依家係關乎人命的事故,唔係唔理呀!」她認為演出的舞蹈員無論受傷與否,都應追討合理賠償:「要搵律師代表你哋發聲,唔好畀啲人側側膊耍走咗。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能