陳鍵鋒加拿大機場被捕獲 近照驚變油膩大叔 網民嚇親:他怎麼胖成這樣了

陳鍵鋒加拿大機場被捕獲 近照驚變油膩大叔 網民嚇親:他怎麼胖成這樣了
陳鍵鋒加拿大機場被捕獲 近照驚變油膩大叔 網民嚇親:他怎麼胖成這樣了

現年45歲嘅陳鍵鋒(Sammul)當年憑身材高大及斯文靚仔造型,風靡萬千少女,更被封為「少女殺手」。陳鍵鋒喺2010年約滿離開TVB後曾轉戰內地市場及轉行做潛水教練,不過近年佢已經淡出娛樂圈,甚少公開露面及分享近況。最近有網民喺加拿大多倫多機場偶遇陳鍵鋒,不過佢嘅身型及面形明顯發脹咗唔少,變咗油膩大叔,青靚白淨形象不再。

最近有網民喺加拿大多倫多機場偶遇陳鍵鋒,並將相片上載到小紅書,相中嘅陳鍵鋒染上一頭金髮,著上黑色衫及灰色褲,自己一個人坐喺機場貴賓室,耷低頭玩緊電話,身型及面形明顯發脹咗唔少,似乎留意唔到有人影佢相。相片曝光後,唔少網民都留言話佢發福咗唔少,例如「陳鍵鋒............當年這麼帥」、「像個老頭」、「天啊,當初明明是最帥的那個」、「怎麼會這樣,也就40出頭的年齡啊」、「陳鍵鋒一個大帥哥怎麼變成這樣了」、「像陳鍵鋒,但希望不是他。以前衝上雲霄裏最喜歡他」、「唏噓不已 當年真的好靚仔」、「啊???他怎麼胖成這樣了!!!」、「我簡直不敢相信這是陳鍵鋒」、「油膩大叔」及「omg,佢變成咁樣」等等。

陳鍵鋒喺1996年參加全能DJ大募集成為新城電台DJ,1997年加入TVB成為旗下藝員,正式展開演藝生涯,並成為力捧上位小生之一,多年嚟佢都有唔少經典角色,例如《律政新人王》Vincent、《學警雄心》李柏翹及《少年四大名捕》追命等等。不過之後佢嘅工作量一直減少,而佢喺約滿TVB後北上發展,憑俊俏外表加上不俗嘅演技,獲得唔少演出機會,仲差唔多套套都係做男一,當中《美人心計》、《亂世佳人》及《封神英雄榜》令佢人氣急升,吸引咗唔少內地女粉絲。

2018年佢喺泰國做身體檢查時,意外發現個腦少咗條主要血管,之後佢返香港搵專科診斷,證實佢患咗一種冇辦法根治嘅遺傳病。當時佢受到好大打擊,仲曾有輕生念頭。佢喺得到家人嘅鼓勵下重新振作,暫時退居幕後並轉跑道低調做潛水教練,不過2021年因牽涉學員喺西貢學潛水溺斃,而令佢再次銷聲匿迹。早排,由佢及郭雪芙主演嘅網絡電影《新包青天之冰魄》喺內地上映,其實呢部電影喺2019年已經煞科,喺戲中陳鍵鋒飾演包拯,需要拋開偶像包袱,增肥20磅兼曬黑,不過唔少網民都話佢顏值大跌Watt。

小紅書圖片
小紅書圖片
陳鍵鋒
陳鍵鋒
黃偉文 & 陳鍵鋒
黃偉文 & 陳鍵鋒
陳鍵鋒
陳鍵鋒
《新包青天之冰魄》截圖
《新包青天之冰魄》截圖
《新包青天之冰魄》劇照
《新包青天之冰魄》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!