雅虎香港新聞 
陸浩明仙氣女友曝光 網民激讚似張曼玉
無線全新節目《1+1幸福》，請來三對愛侶分享相識經過、戀愛點滴等，並公開愛侶間的絕密片段，其中 陸浩明 ( 6號 )首次公開拍拖五年的女朋友陳詩欣（Ayan）！表面鬼馬可愛的6號，原來係個非常疼愛女朋友的細心男友，難怪早已抱得美人歸！連節目主持汪阿姐都催促佢哋快啲結婚，甚至借出自己的戒指，相當肉緊！任職模特兒的Ayan首次隨男友在電視亮相，觀眾們都驚嘆6號原來收埋個咁靚的女朋友，仲有人讚佢似張曼玉！
圖片：myTV、Instagram
聚會認識
6號跟Ayan於2011年一次朋友聚會上認識，當時6號覺得Ayan又高又靚女，但聲音卻非常卡通；Ayan則指自己鍾意比自己高、仲有聲音悅耳的男生，6號正正符合條件啦！當時6號邀請Ayan自拍，因為要send相而交換電話，果然高招！小編下次都試吓先……
鬼馬的6號起初以為Ayan名字讀音為「am」，佢開玩笑說：「那我可以pm你嗎？」Ayan說:「好呀，你找我吧！」從此兩人的關係展開。
緊張大師
6號又分享有一次，Ayan跟朋友喝酒聚會，1、2 小時沒有回覆自己訊息，佢非常擔心和着緊。6號在最後心底話環節說：「希望你會接受未來的人生有一個如此緊張你的男人。」佢更自爆會叫女朋友做bb。
主持人問Ayan會唔會覺得6號煩，Ayan甜蜜地說:「不會，我喜歡他這樣，經常哄我。」Ayan在最後心底話環節，則謝謝男朋友5年來疼愛自己，每天一起都像熱戀，不善辭令的Ayan更指6號係自己的聲音。
計劃結婚
6號和Ayan都愛去旅行，世界各地都有兩人的足跡，儼如一對小夫妻！難怪主持人都不斷催促佢哋早日拉埋天窗。
外型襯絕
6號與Ayan外形相當匹配，兩人在衣著方面的喜好亦相當接近，不時都會情侶裝示人，襯到絕！而且6號與Ayan都係影得之人，兩人在網上分享的合照都非常唯美非常浪漫，網民每次都邊被閃爆邊俾like！
仙氣外露
今年24歲的Ayan於理工大學時裝設計碩士畢業，擔任全職模特兒三年，主力影時裝相及行Fashion Show。身高1米73的Ayan擁有一雙修長美腿、皮膚白晢，五官唔係見慣見熟的典型香港美女，反而有點獨特的東方美，笑容非常甜美，望見佢都會好開心。有網民讚佢貌似影后張曼玉，以及日本組合NMB48的人氣成員山本彩！
索爆身材
Ayan經常在網上晒生活照，其模特兒身材非常吸睛，難怪吸引大批Fans追隨！
全文完
延伸閱讀：
