雙生陌生人|馬德鐘年輕版由黃庭鋒飾演 馬神囝囝馬在驤被嘲個樣老過老竇

·2 分鐘文章
雙生陌生人|馬德鐘年輕版由黃庭鋒飾演 馬神囝囝馬在驤被嘲個樣老過老竇
雙生陌生人|馬德鐘年輕版由黃庭鋒飾演 馬神囝囝馬在驤被嘲個樣老過老竇

由馬德鐘、陳煒、湯洛雯及何廣沛主演嘅《雙生陌生人》將於下周一(2日)接棒《金宵大廈2》9點半時段播出。劇情主要講述一個「人有相似」嘅網站,令兩個好似樣但冇血緣關係嘅人聯繫上,一個係知名律師高收成,另一個就係文青巫祺男。雖然佢哋擁有各自嘅生活,不過喺十多年前開始喺某些關鍵嘅時刻就會相遇,而且仲會影響著對方的人生軌跡。馬德鐘今次將會一人分飾兩角,絕對係一個大挑戰。另外,馬德鐘喺《我家無難事》時曾經搵囝囝馬在驤飾演佢嘅年輕版,不過《雙生陌生人》就唔再係囝囝飾演年輕版,而係由同樣身形弗爆嘅33歲黃庭鋒飾演。

「馬神」馬德鐘及囝囝馬在驤喺《我家無難事》首次以父子檔上陣,馬在驤客串飾演馬德鐘年輕版,佢哋冇同框嘅戲份,亦成為劇集最大嘅賣點,不過唔少網民就話馬在驤嘅樣子比爸爸更加成熟。馬德鐘不時喺抖音上載影片,間唔中都有搵囝囝客串,網民留意嘅唔係影片內容,而係佢哋兩父子嘅外表差距上面,絕大部分網民都認為爸爸比囝囝靚仔同後生,留言話:「兒子不比爸爸帥就算了,為什麼感覺兒子比爸爸還老」、「我以為兒子是爸爸」、「兒子不如爸爸帥」及「爸爸那麼帥,兒子沒有遺傳到」等等。今次《雙生陌生人》搵嚟黃庭鋒飾演馬德鐘嘅年輕版,唔知大家覺得似唔似呢?

《雙生陌生人》劇照
《雙生陌生人》劇照
《雙生陌生人》劇照
《雙生陌生人》劇照
《雙生陌生人》劇照
《雙生陌生人》劇照
馬德鐘抖音影片截圖
馬德鐘抖音影片截圖
馬德鐘抖音影片截圖
馬德鐘抖音影片截圖
馬德鐘抖音影片截圖
馬德鐘抖音影片截圖
馬德鐘抖音影片截圖
馬德鐘抖音影片截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能