雅虎香港新聞 雙鴨暫定留港兩周 黃鴨之父：香港和世界需要好事成雙
闊別十年，黃鴨今天（6月9日）隆重回歸，更「打孖上」現身維港，暫定留港兩周。海上公共展覽《橡皮鴨二重暢》今（9日）舉行啟航禮，創作橡皮鴨的荷蘭藝術家霍夫曼（Florentijn Hofman）指出， 香港經歷十年變遷，希望黃鴨結伴為港人帶來歡樂，「香港和世界都需要好事成雙（double duck, double luck）」。
文字記者：盧珮瑤
攝影記者：Davies
雙鴨無分性別喻人人平等
「黃鴨之父」霍夫曼坦言，起初對讓巨鴨重臨香港有所猶豫，但反覆思量後，認為這10年無論香港或世界均面對疫情、政治和各方面的壓力，決定帶黃鴨結伴同遊維港，為港人與摯愛創造更多美好回憶，「我們要見面、連結、創造時刻，這就是生活」。他續指，是次兩隻相同巨鴨出現，牠們無分性別，代表人人平等；兩隻黃鴨有如在照鏡子，亦令觀眾可反思自己的內心。
今早約11時半，雙鴨各由兩艘船慢慢陪伴啟航，由灣仔會展航行到中西區海濱長廊中環段。是次橡皮鴨偕同伴重臨維港，各高18米，是全球最高的橡皮鴨之一，明（10日）起展出約兩星期。
主辦單位AllRightsReserved創辦人林樹鑫（SK）指，疫情後希望讓港人重拾快樂，決定將藝術融入生活和城市，「好多人都話呢件事好開心，令到佢哋同身邊人多咗溝通」。他指，有10年前曾以橡皮鴨為背景拍攝婚紗照的情侶，今年會帶同子女「探望」黃鴨，「10年其實係經歷咗3代嘅人，有唔同嘅年齡層，唔會諗佢有幾成功，係希望為呢件事付出」。
十年前漏氣 大會：加強鞏固措施
2013年黃鴨於維港展出12天後破損漏氣，林指是次展出已加強鞏固措施。目前展期暫定兩周，但會視乎風力或雷暴情況，因應天氣調整展期。林指未有估計今年參觀人數，認為加強人們的連結才是活動的重心。
雙鴨今甫到達中環海濱，已吸引大批市民爭相留倩影。有上班族趁午膳時間到海濱近距離「探望」巨鴨，亦有跑友被海面上兩抹鮮黃色吸引，停低腳步「打卡」。部份鴨迷更帶迷你黃鴨公仔到場，讓眾鴨遙距合照。
畫家：重展感覺更震撼 帶多啲正能量畀香港
在人人舉機之際，「手繪香港」畫家Laurence於海濱一角攤開畫板，用水彩畫記錄黃鴨，「因為太多人都係影相，人人都揸住手機，你影同我影都係差唔多，畫畫會有個人風格啲」，作品或放售予市民珍藏。
Laurence於10年前曾到尖沙咀海運中心看黃鴨，對於今次重展感受更大，「今次隻鴨好似高大咗，感覺更加震撼啲，以前喺海運係上面望落去，今次下面望上去感覺又好唔同」。他認為黃鴨為港人帶來歡樂，「過往幾年香港都經歷咗疫情，經濟又唔係太好，希望透過今次嘅鴨仔，可以帶畀我哋嘅香港多啲正能量」。
白領午膳時間探鴨：唔開心都記住笑
在金鐘附近上班的何小姐午膳時間抽空到海濱看看黃鴨，「而家熱得滯都無行呢條路，今日為咗佢（黃鴨）又再行返」。10年前何工作後趕到尖沙咀觀看展覽，「畀到人一種開心嘅感覺，佢個嘴成日笑咁」。她坦言，近年整個香港氣氛低沉，「呢10年問心，個變化好大，經濟、政治、普通社會民生都好多嘢發生咗，特別係呢兩個禮拜，見到佢幾好吖！成日望住我笑」，希望鴨仔可提醒港人微笑的重要性，「唔開心都記住笑，有時人大咗諗得太多喇，好似佢咁仲有少少童真都幾好」。
退休攝影師傅先生為黃鴨拍照，「一開始我已經留意到新聞，我有去過青衣搵佢㗎！不過佢扁咗」。10年前他途經尖沙咀睇鴨，今次則特意前來，「當年冇咁近距離，而家可以selfie（自拍）吓，佢個造型好靚好舒服，多啲嚟睇吓都開心啲」。他認為黃鴨有助香港旅遊業，吸引更多遊客，亦令港人放鬆心情，「好似最近嘅事咁，大家成日都好驚，行路要望後面。呢個（展覽）係好好嘅假日節目，希望可以搞多啲呢類嘢」。
展期內有不少與黃鴨們「打卡」的好機會。金鐘港鐵站往添馬公園沿途多款指示牌、海濱長廊欄杆、觀景台玻璃圍欄均現鴨踪。本月18日為父親節，其中一隻黃鴨將會沿維港「出巡」，經銅鑼灣海面游到尖沙咀，途經星光大道、K11 MUSEA等，到達文化中心便會折返中環海面。
相關報道：
鴨迷組團租船伴鴨靠岸 黃色巨鴨版主喜迎黃鴨回港：出走港人都希望回家
黃鴨｜十年對比圖 一隻變打孖游 尖沙咀轉戰中環海濱 一鍵看當年今日大不同
