雪姨三度道歉承諾退還全額租金予檔主 鍾培生留言支持令事件火上加油?

·2 分鐘文章
雪姨三度道歉承諾退還全額租金予檔主 鍾培生留言支持令事件火上加油?
雪姨三度道歉承諾退還全額租金予檔主 鍾培生留言支持令事件火上加油?

有「富貴KOL」之稱嘅雪姨早前將Ritz-Carlton、帝京酒店與基隆茶餐廳嘅迷你盆菜拍片比較嘅公關災難仍未擺平,唔少網民取消訂閱佢個YouTube頻道,短短幾日訂閱人數就由原先約32.4萬,跌至31.5萬(截至26日下午3時),佢有份主辦嘅新年市集亦出現退租潮,同時大量網民決意罷去其市集,令雪姨喺噚日(25日)再度發文道歉,又指所有檔主將獲退還全額租金及將自己市集檔內收益全數捐出,百億身家富三代鍾培生留言力撑,不過就惹嚟網民反感,直言:「關你咩事」。

雪姨噚日貼出有關新年市集特別通告,就之前疏忽作第3次公開道歉,表示連日來不斷沉思與反省,再次向基隆茶餐廳、新年市集檔主致歉,又指明白市集檔主籌備多時,為將影響減到最低,決定退還全額租金予所有檔主,檔主仍有權選擇是否繼續參與市集;另外,會將自己檔內全部收益捐到有需要團體,而受助單位將容後公佈。

大部份網民對雪姨今次道歉仲未收貨,表示佢嘅道歉完全無誠意,感覺似係驚以後搵唔到食先道歉,仲話希望佢從此喺YouTube界消失;亦有部份網民表示接受雪姨道歉,指人人都會犯錯,又斥責其他網民唔好一沉百踩。曾於疫情期間向多間茶餐廳大派逾1萬港元利是,以力撐飲食業嘅鍾培生就留言:「Take care all the best」,不過就獲網民洗版留言,指佢博出位:「你就慳啲啦!二世祖」、「大佬你慳啲啦」、「仲hea過講句恭喜發財,最多值得覆你一句ok thanks」、「媽寶一個,幾廿歲人成個bb咁,搞掂自己啲火山窿先啦」、「二世祖,喺度留言博人睇你?」等等,而鍾培生就懶理網民對佢嘅評價,只係留言回覆:「祝埋留下班人新年快樂,身體健康」。

影片截圖
影片截圖
雪姨
雪姨
雪姨
雪姨
茶餐廳Facebook出PO
茶餐廳Facebook出PO
酒店Facebook回覆留言
酒店Facebook回覆留言
酒店Facebook回覆留言
酒店Facebook回覆留言
鍾培生
鍾培生
雪姨
雪姨
雪姨
雪姨

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能