電影LOL︳《不能說的秘密》韓國拍完到日本 日版男女主角三地中最弱?
2007年由周杰倫自編自導嘅電影《不能說的秘密》可以話係一鳴驚人,票房成績好之外,口碑都相當唔錯,唔少人睇完都覺得周董完全唔似第一次做導演,套戲仲好有日韓式純愛僱淚片嘅風格。
可能因為呢個原因,日韓兩地都先後買入版權開拍新版《不能說的秘密》,近期日本片商宣布日版《不》人選,導演會係Netflix話題劇《全裸監督》嘅河合勇人,而男女主角分別係SixTONES嘅京本大我,以及人氣正在冒起嘅女演員古川琴音。
SixTONES係Johnny事務所旗下男團,京本大我喺日本有一定知名度,於是有人見到古川琴音演「日版桂綸鎂」都有疑問。睇返資料,古川琴音自細喜歡演出,雖然22歲先正式入行,但呢4年來keep住有電影同劇集演出,前年嘅《要加熱這份愛嗎?》扮演中國在日留學生,佢仲因此而學中文;近期古川琴音參演日本NHK收視極高嘅晨間劇《エール》,角色由15歲做到成為太太,相當考演技。相信導演係睇中佢嘅演技,同埋同桂綸鎂截然不同嘅氣質。
日版《不能說的秘密》預計下年夏天有得睇,至於韓版就應該今年內有得睇……畢竟2017年已經宣布要拍,舊年都殺青喇。韓版葉湘倫會係EXO嘅D.O(都敬秀),而路小雨就由Netflix劇《地獄公使》女星元真兒擔演。原版當年由曾愷玹飾演嘅晴依十分搶鏡,而韓版人選一樣夠爆,就係《黑暗榮耀》飾演少年版朴涎鎮嘅辛叡恩。
三個版本嘅選角各有特色,原版周杰倫桂綸鎂正值佢地人氣高企時,韓版睇劇照就覺得保持韓味,至於日版就最與別不同,會唔會反而有驚喜?下年可以一次過睇晒三套逐一比較。
更多電影文章
電影LOL 今期睇咩戲︳職業特工隊 : 死亡清算上集/看不見聽不見也愛你/月之圓缺
電影LOL︳《芭比Barbie》出現南海九段線被越南禁映 片商解畫︰絕無表態之意
電影LOL︳喪屍出沒 係社畜翻身之日?日本漫改片《殭屍100~在成為殭屍前要做的100件事~》
電影LOL︳揭盅!David Corenswet 成新任《超人》雙料視后Rachel Brosnahan演愛人Lois
按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!