雅虎香港新聞 電影LOL︳喪屍出沒 係社畜翻身之日？日本漫改片《殭屍100~在成為殭屍前要做的100件事~》
「喪屍題材」同「日漫真人版」呢2個元素都有個共通點︰玩爛咗。將呢兩樣嘢放埋一齊而又吸引嘅，中間一定加咗調味料。
就係你同我都有同感嘅社畜狂想！
由《今際之國闖關者》麻生羽呂原作、高田康太郎作畫嘅漫畫《殭屍 100～在成為殭屍前要做的 100 件事～》，舊年已經落實改編成真人電影，而Netflix 亦宣布《殭屍 100》將於8月全球上架，並已經推出預告片。以往喪屍片都係離唔開主人公點樣保住條命，中間一定要同大批喪屍激戰，普遍都係驚慄片。但《殭屍 100》就搵到一個無咩人諗到嘅角度。
喪屍當道？個個都變晒喪屍，咪即係唔駛返工囉！故事男主角天道輝係一隻社畜，同你同我一樣返工返到想死。有一日，全條街都係喪屍，阿輝發現可以唔使返工，但亦都深知有一日會變成喪屍，於是寫低「成為喪屍前想做嘅 100 件事」，例如執好間房、日頭飲啤酒之類未做過嘅事，並且一邊保命一邊完成呢個bucket list，相信套戲crazy得來會幾感動。
《殭屍 100》嘅男主角會由《如果30歲還是處男，似乎就能成為魔法師》嘅赤楚衛二演出，女主角就會係前乃木坂46成員白石麻衣。而《殭屍 100》亦會推出電視動畫，仲要係喺下個禮拜首播，成個勢配合得好好。不過最好都係……人人變晒喪屍唔駛返工囉。
更多電影文章
電影LOL 今期睇咩戲︳奪寶奇兵之命運輪盤／別叫我賭神／露比格曼：海怪神話／速命道／#小心陷井／生化危機：死亡之島
電影LOL︳揭盅！David Corenswet 成新任《超人》雙料視后Rachel Brosnahan演愛人Lois
電影LOL︳搵潛艇事件抽水？《鐵違尼號》7月登陸美加Netflix被狠批
電影LOL︳邪爆習俗拍電影 台片《粽邪3︰鬼門開》加埋泰國嬰靈寒氣迫人
電影LOL︳內地騙徒氹水魚做電影出品人呃錢 有晒批文宣傳片仲帶團做考察
電影LOL︳《閃電俠》靠口碑難救北美票房 《元素大都會》創Pixar史上最差開畫紀錄
電影LOL︳《職業特攻隊︰死亡清算 上集》被睇好至少收8億美金 導演大口氣︰打贏Top Gun
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
