電影LOL︳邪爆習俗拍電影 台片《粽邪3︰鬼門開》加埋泰國嬰靈寒氣迫人

天氣熱，最啱睇鬼片消暑（吓？）。呢期metoo新聞日日爆嘅台灣，拍靈異驚慄片確係有一手，皆因有唔少民俗傳說可以取材。將會喺台灣農曆7月上映嘅台片《粽邪3︰鬼門開》就係以「送肉粽」呢個儀式有關。

喺台灣彰化，假如有人上吊身亡，亡魂怨氣極重，法師會進行「送肉粽」儀式，將繩索送到海邊或者河流出海口焚燒，將死者「帶到」水府受審判，而「肉粽」就係暗喻上吊者。因為「送肉粽」被認為「煞氣重」，沿途家家戶戶都要閂門閂窗兼唔會八卦偷睇。呢個忌諱到而家仲有好多人深信不疑，最近桃園市有「送肉粽」儀式揀喺平日放工時間進行，結果上埋新聞！

聽落夠晒神秘，台灣導演廖士涵2018年就以呢個儀式創作出電影《粽邪》，由夏于喬主演，出嚟反應唔錯，於是乎有第2、第3集。《粽邪3：鬼門開》嘅男主角冠宇同父親不和，於是離開屋企同朋友去旅館打工。但係冠宇竟然遇上房客上吊身亡，出事房間入面仲遍佈詭異泰國符號，而且旅館老闆娘舉止怪異，冠宇點做先可以逃過一劫？今集唔止有「送肉粽」，再加入泰國關於嬰靈嘅民俗傳說古曼童，邪上加邪！電影公司話預告片剪好之後，將影音檔案輸出時發現少咗個鏡頭，就係冇咗古曼童正面shot，而條trailer亦被facebook下架，聽落都肴肴地。

至於電影卡士，由台灣新生代男星張庭瑚飾演冠宇，首次擔任主演嘅hip hop團「草屯囝仔」成員阿倉（李明倉）就會演冠宇個friend龜仔。而老戲骨阿西（陳博正）就成為《粽邪》系列拍足3集嘅演員，因為佢演嘅係法師，而佢本身好熟呢方面嘅嘢，甚至屋企係開廟字添。

更多電影文章

電影LOL 今期睇咩戲︳調教你處男／怪物／小行星都市／新.幪面超人／麵包超人大電影／超人帝卡最終章

電影LOL︳內地騙徒氹水魚做電影出品人呃錢 有晒批文宣傳片仲帶團做考察

電影LOL︳《閃電俠》靠口碑難救北美票房 《元素大都會》創Pixar史上最差開畫紀錄

電影LOL︳《職業特攻隊︰死亡清算 上集》被睇好至少收8億美金 導演大口氣︰打贏Top Gun

電影LOL︳新片Maestro成獎項大熱 畢列谷巴轉型做導演被力捧 已經傾緊下套戲

電影LOL︳迪士尼《元素大都會》身負救票房重任 張敬軒Serrini聲演水火不容嘅愛情故事

電影LOL︳Amber Heard潛完水 月尾現身電影節宣傳新片 隨時同前夫Johnny Depp 同場

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！