電影LOL︳迪士尼《元素大都會》身負救票房重任 張敬軒Serrini聲演水火不容嘅愛情故事

暑假將至代表會有海量「爆谷電影」上映。今年暫未見票房金蛋漫威電影發力，不過同公司嘅Pixar繼《光年正傳》後，再推出全新原創故事《元素大都會》。

疫情期間Pixar將《靈魂奇遇記》、《熊抱青春記》及《盛夏友晴天》等動畫直上美國Disney+，無機會喺戲院大銀幕上映，受歡迎程度削弱，談論度不過不失。終於可以喺戲院上映嘅《光年正傳》結果票房失利，搞到最後迪士尼要向動畫部裁員！

今年推出嘅《元素大都會》就身負挽救Pixar票房重任，電影由《恐龍大時代》導演Peter Sohn執導，故事講述「元素大都會」住了水、火、土和空氣四大「元素民」。一日，火爆烈女「火小姐」苗小焰，遇上了隨和、感性的「水先生」劉滴水，二人會水火不容，抑或相反相吸，產生意想不到的化學作用？

電影早前於康城影展做世界首映，口碑不俗，導演Peter Sohn製作《元》過程漫長有血有淚，故事投入非常多個人經歷 － 佢父母帶住少量金錢由南韓移民紐約，同故事嘅苗小焰父母一樣開咗間雜貨店，以有限嘅資源為佢創造美好嘅生活環境。

導演童年有關紐約多元文化嘅回憶，啟發佢創作《元素大都會》，各自存在互有交集但又獨立嘅群體，而苗小焰及劉滴水水火不容嘅關係，直接借鏡於自己無跟從祖母遺願娶韓國太太嘅故事！呢個浪漫愛情故事，廣東話版搵嚟張敬軒配感性嘅劉滴水，而性格火爆嘅苗小焰就由Serrini聲演，同場加映仲有《沖天救兵》Carl伯伯短片《卡叔有約》！

《元》早前於康城影展做世界首映，影片評價不俗，指《元》有Pixar動人賣點同時有新概念，但亦有評語指Pixar失去咗佢嘅魔法。迪士尼似乎對新作有信心，夠膽喺北美同《閃電俠》同期！電影香港7月6日正式上映，不過6月24號開始優先場，相信口碑可以帶動票房！

更多電影文章

電影LOL 今期睇咩戲︳變形金剛：狂獸崛起／大俠胡金銓 第一部曲 - 先知曾經來過

電影LOL︳Amber Heard潛完水 月尾現身電影節宣傳新片 隨時同前夫Johnny Depp 同場

電影LOL︳《瑪利歐》收得 盛傳任天堂搵環球開拍《薩爾達傳說》電影版動畫

電影LOL︳宮崎駿真引退作品《你想活出怎樣的人生》只出海報做宣傳 預告片都冇！

電影LOL︳《變形金剛：狂獸崛起》內地搞戶外IMAX首映 玩埋AR機械人陪你散步

電影LOL︳迪士尼為節流怒炒Pixar元老 救返《反斗奇兵2》被刪檔案嘅功臣都冇得留低

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！