雅虎香港新聞 電影LOL︳昆頓塔倫天奴正式落閘 《標殺令》唔會拍第3集
正當荷里活一而再再而三咁將經典作品重啟翻拍之際，都有唔少好戲大家想有延續篇卻不得要令。2003年昆頓塔倫天奴cult爆之作《標殺令》(Kill Bill），秉承大導暴力美學，血腥場面夠漫畫化，成為千禧年代另類經典。
當年《標殺令》一拍就拍定兩集，上映後影迷都想有第3集，呢個訴求漸漸成為都市傳聞，「昆頓塔倫天奴搞緊《標殺令3》」不時都會聽到。fans甚至想女主角奧瑪花曼(現實中嗰個）女Maya Hawke，去演戲中佢個女B.B嘅長大成人版。
不過，塔倫天奴喺最近一個訪問入面正式「落閘」，表明《標殺令》唔會拍第3集。塔倫天奴曾經話過拍完第十套戲就會收山，而佢嘅第十套作品The Movie Critic亦已經籌備中。除非佢食言拍多過十套戲，否則《標殺令》系列，可以話係……完！
影迷並唔係一廂情願想有《標殺令3》，因為舊年奧瑪花受訪時講到《標3》時，煞有介事咁話「我冇嘢可以講，不過傾咗好多年，而且好耐之前真係傾過條橋，而家都唔可能立即有消息」。聽落都幾似官話，似有還冇。
唯一可喜嘅係，之前流出關於The Movie Critic嘅資料相當少，塔倫天奴今次訪問披露咗，套戲係關於70年代男影評人，同早前傳過嘅女影評人故事有出入。
更多電影文章
電影LOL 今期睇咩戲︳奪寶奇兵之命運輪盤／別叫我賭神／露比格曼：海怪神話／速命道／#小心陷井／生化危機：死亡之島
電影LOL︳喪屍出沒 係社畜翻身之日？日本漫改片《殭屍100~在成為殭屍前要做的100件事~》
電影LOL︳揭盅！David Corenswet 成新任《超人》雙料視后Rachel Brosnahan演愛人Lois
電影LOL︳搵潛艇事件抽水？《鐵違尼號》7月登陸美加Netflix被狠批
電影LOL︳邪爆習俗拍電影 台片《粽邪3︰鬼門開》加埋泰國嬰靈寒氣迫人
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
