電影LOL︳《魔比剎》導演爆料 謝拉列圖投入殘障角色 去廁所都扶拐杖

負評如潮嘅《魔比剎》喺上個周末上畫，喺影評網「爛蕃茄」得分依然只得16％正評，不過似乎街外反應唔錯，觀眾評分有70分，而北美周末票房都有3900萬，比起其他超級英雄片當然唔多ok，但起碼稱唔上仆直，執身彩。

口碑咁麻麻，當然好多人想知咩事。外媒UPROXX出咗篇十分抵死嘅《魔比剎》導演Daniel Espinosa訪問，撰文嘅編輯一開頭就帶定頭盔，表明好欣賞導演，因此認為《魔比剎》成為負皮王令佢R晒頭。

編輯向導演求證，男主角謝拉列圖據講為咗投入身體殘障嘅角色設定，即使喺片場唔使埋位嗰陣，連去廁所都撐拐杖，仲步履蹣跚咁行，結果去一次廁所都搞一大輪，影響拍攝進度，因此劇組提出畀部輪椅謝拉列圖去廁所用，慳返全世界時間。而導演好明確咁答Yes。Daniel Espinosa又透露即使拍到角色擺脫身障嘅戲份時，戲外嘅謝拉列圖依然「行動不便」，因為謝拉認為「痛楚纏繞咗佢一世」。

對於咁做係咪阻人收工，Daniel Espinosa都有幫手兜，佢認為每個演員都有自己演繹方式，唔可能喺呢行要求演員好似正常人咁做啲可以理解嘅事。到文末，編輯又問「你係個好導演，我相信你唔係每個決定都可以話晒事」，Daniel Espinosa似有所指咁話「呢套係大片，要顧及好多人嘅利益」。相信都解答到點解套戲咁多負評！

更多電影文章

電影LOL︳掌摑事件手尾長 Will Smith多套新片hold住唔郁

電影LOL︳《魔比剎》未上畫就負評如潮 連片尾彩蛋都被人插「史上最爛」

電影LOL︳67歲布斯韋利士患失語症影響認知能力 家人代宣布退出影壇

電影LOL︳奧斯卡懶人包 四大串流平台睇勻得獎作品《心之旋律》《犬山記》《王者世家》《神聖電視台》

電影LOL︳奧斯卡頒獎禮 《心之旋律》半爆冷贏最佳電影 韋史密夫喊晒首奪影帝

電影LOL︳第一位美籍華裔女星黃柳霜傳記電影 Gemma Chan陳靜確定演出

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載