電影LOL︳67歲布斯韋利士患失語症影響認知能力 家人代宣布退出影壇

憑《虎膽龍威》(Die Hard)成名嘅荷里活男星布斯韋利士，今日透過家人於社交平台代為宣布，布斯因健康問題決定退出影壇。

布斯前妻狄美摩亞、二人女兒Rumer Willis及其他家人一齊發布嘅聲明指，布斯受健康問題困擾，經診斷後發現患有失語症，認知能力受影響，經深思熟慮後決定告別深愛嘅演藝事業。內文又提到，布斯患病對家人帶來挑戰，他們會堅強面對，並感謝影迷嘅愛戴同支持。聲明又引用布斯嘅口頭禪Live it up（活在當下），並指一家人會講得出做得到。

67歲嘅布斯韋利士中學時熱愛戲劇，但畢業後為生計做過核電廠保安、送貨工人甚至私家偵探。後來佢入讀戲劇課程，並且搬到紐約搵機會，由小角色做到電視劇Moonlighting男主角。1988年嘅《虎膽龍威》令布斯成為全球知名巨星。但係到90年代初期布斯出現事業樽頸，拍咗多套作品票房都係仆直，直至1994年塔倫天奴嘅《危險人物》先至再見起色。經歷完千禧年前後另一次低潮之後，布斯嘅星途變得一帆風順，拍過嘅大片包括《盜海豪情》、《罪惡城》、《轟天猛將》等，呢兩年唔覺唔覺原來拍咗成十幾套戲！希望布斯可以早日康復，再次享受人生，享受演戲。

更多電影文章

電影LOL︳奧斯卡懶人包 四大串流平台睇勻得獎作品《心之旋律》《犬山記》《王者世家》《神聖電視台》

電影LOL︳奧斯卡頒獎禮 《心之旋律》半爆冷贏最佳電影 韋史密夫喊晒首奪影帝

電影LOL︳第一位美籍華裔女星黃柳霜傳記電影 Gemma Chan陳靜確定演出

電影LOL︳奧斯卡前瞻 《犬山記》拎最佳電影有暗湧 等睇古天樂做金像監製

電影LOL︳奧斯卡女角獎項預測 妮歌潔曼廿年後再開齋要問過謝茜嘉 Ariana DeBose贏面大

電影LOL︳Netflix試行非同住者共用帳戶收費 以後隨時冇得開心share

電影LOL︳奧斯卡男角獎項預測 《王者世家》韋史密夫有望做影帝 男配角爭崩頭

電影LOL︳《高校18禁》人氣34D索女Sydney Sweeney加盟Marvel外傳電影《蜘蛛夫人》

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載