電影LOL︳《高校18禁》人氣34D索女Sydney Sweeney加盟新片《蜘蛛夫人》

假如做個「荷里活明星第一季季選」,24歲新星索女Sydney Sweeney應該有份攞獎,露點主演嘅三級劇集《高校18禁》(Euphoria)成為HBO史上播放次數第二高嘅劇集,僅次於《權力遊戲》;片約不斷之餘又傳Sydney 係其中一位Madonna自傳電影主角人選大熱,真係冇幾個女星人氣夠佢嚟。

電影LOL︳《高校18禁》人氣34D索女Sydney Sweeney加盟新片《蜘蛛夫人》
電影LOL︳《高校18禁》人氣34D索女Sydney Sweeney加盟新片《蜘蛛夫人》
電影LOL︳《高校18禁》人氣34D索女Sydney Sweeney加盟新片《蜘蛛夫人》
電影LOL︳《高校18禁》人氣34D索女Sydney Sweeney加盟新片《蜘蛛夫人》

而家仲落實Sydney會參演Marvel人物外傳新片《蜘蛛夫人》(Madame Web),合演嘅仲有《格雷的五十道色戒》女主角Dakota Johnson,兩大靚女同場,巴打們最開心。

原著漫畫之中,蜘蛛夫人係一位患有重症肌無力症嘅老婦,要靠一套好似蜘蛛網嘅維生系統支持住,但係佢有超乎常人嘅感知能力,因此被視為女版「奇異博士」。基於身體狀況,蜘蛛夫人並無同歹角單打獨鬥嘅場面,因此電影版嘅故事一定同漫畫唔同,亦更令影迷期待。

Dakota Johnson
Dakota Johnson

唔使問,孭飛嘅Dakota Johnson應該係演蜘蛛夫人,咁Sydney Sweeney會做邊個角色?有心水清嘅網媒見到,Sydney參演嘅消息傳出後,Black Cat呢個詞語喺twitter成為熱門搜尋,而Black Cat就係Marvel漫畫中亦正亦邪嘅角色,令人聯想起DC漫畫《蝙蝠俠》嘅貓女郎!

Sony由《蜘蛛俠》故事人物衍生嘅電影《毒魔》系列票房反應唔錯,最新一套《毒魔︰血戰大屠殺》全球收5億,另一套新片《魔比剎》亦如箭在弦,因此《蜘蛛夫人》落重本搵2大索女主演絕不意外。

更多電影文章

電影LOL︳張家輝終於有新片 《新秩序》導演係《掃毒》古惑仔

電影LOL︳發夢靚妹變超級英雌 新劇Ms. Marvel預告片登場 6月Disney+上架

電影LOL︳Anson Lo盧瀚霆拍英國導演新片 夥日泰韓星卡士重慶大廈打喪屍

電影LOL︳古天樂監製《一家人大戰機械人》揚威動畫頒獎禮 大有機會拎埋奧斯卡?

電影LOL︳傳明珠台連續2年唔播奧斯卡 大會批准外地參加者免隔離

電影LOL︳力推賽車同非戲劇內容 Apple TV+購入「黑帝」咸美頓紀錄片

電影LOL︳因應疫情 香港電影金像獎延期6月舉行

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載