雅虎香港新聞 電影LOL︳因應疫情 香港電影金像獎延期6月舉行
呢2年疫情影響各行業，電影圈當然唔例外，戲院多次要配合防疫措施而要關門，唔少電影無法上畫。上月香港電影金像獎協會公布完第40屆金像獎提名名單，本來安排4月17日舉行頒獎禮，但由於第5波疫情大爆發，政府2月底宣布收緊有關措施至4月20日，頒獎禮好大機會未能舉行。
近日有傳媒向金像獎協會了解頒獎禮安排，主辦單位回應時表示暫定延期至6月，但要因應疫情形勢再配合，稍後會有公布。
近2年香港電影金像獎備受新冠疫情影響，前年嘅頒獎禮取消，改以網上形式舉行，由金像獎協會主席爾冬陞讀出得獎名單。前年9月大會更宣布，由於上映電影大幅度延期，2021年嘅頒獎典禮改於今年舉行，由2020 及2021年上畫電影一併角逐。爾冬陞早前受訪時表示，唔希望再次舉行網上頒獎禮，想親手將獎座交到得獎者手上。爾導又指如果舉行實體頒獎禮，獲提名者及上屆得獎者會有優先入場資格，佢亦強調今年一定會舉行頒獎禮，唔會等埋今年嘅戲一齊角逐。
更多電影文章
電影LOL︳美國獨立精神大獎 李政宰膺視帝 司儀台上爆粗X普京
電影LOL︳自編自導自己傳記片 Madonna親自出馬選角 女星入集訓營日操11個鐘搏中選
電影LOL︳聽候5年 韋家輝 x 劉青雲《神探大戰》內地4月上畫 預告片曝光
電影LOL︳荷里活大片廠相繼杯葛 《熊抱青春記》、《蝙蝠俠》抽起俄羅斯上映安排
電影LOL︳美國演員工會大獎 《魷魚遊戲》破紀錄奪3獎 眾星表態支持烏克蘭
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
