雅虎香港新聞 電影LOL︳荷里活大片廠相繼杯葛 《熊抱青春記》、《蝙蝠俠》抽起俄羅斯上映安排
俄烏戰爭接近一周，美國星期日舉行嘅演員工會大獎頒獎禮上，多位出席影星喺服飾上加上黃藍色元素，表達對烏克蘭嘅支持；多名得獎者亦公開表態和平訴求。
藝人以外，片商都開始以行動回應俄羅斯。迪士尼喺美國時間周一發聲明，表示鑑於俄羅斯無原由之下入侵烏克蘭，以及當前嘅人道主義危機，宣布由Pixar新片《熊抱青春記》起，暫停所有新片喺俄羅斯上映安排。聲明又提到，迪士尼會按照當前局勢，再落實日後嘅商業決定，並且正在同非牟利機構合作，協助戰爭中嘅難民。《熊抱青春記》原定喺3月10日（下周四）喺俄國上映，而迪士尼本來仲安排《奇異博士2: 失控多元宇宙》及《光年正傳》分別喺當地5月及6月上畫。
另一大片廠華納亦喺迪士尼出聲明後宣布，3月3日全球同步推出嘅《蝙蝠俠》都唔會喺俄羅斯上映。而Sony亦決定抽起本月24日喺當地上映大片《魔比煞》嘅計劃。美國影業協會亦表明支持烏克蘭嘅創意工業從業員。
據外媒The Hollywood Reporter報導，有片商代表認為，如果美國打算同西方盟友排擠俄羅斯，佢地點可能如常喺當地上新片，甚至喺俄國官媒落廣告宣傳？加上歐盟將俄羅斯逐出外匯交易系統SWIFT，片商好大機會冇辦法收返當地票房收入。
早前上映嘅《蜘蛛俠︰不戰無歸》喺俄羅斯收4450萬美元，而其他荷里活大片喺當地都有唔錯嘅票房。西方多國開始同新冠病毒共存、戲院重開之際，片商仲要放棄一個大市場，希望咁多間大公司都撐得住。
更多電影文章
電影LOL︳美國演員工會大獎 《魷魚遊戲》破紀錄奪3獎 眾星表態支持烏克蘭
電影LOL︳《尚氣》帶挈劉思慕片約不斷 將接拍真人版Barbie
電影LOL︳劉德華新片《紅毯先生》演過氣港星 同「侯賽因」31年後再次聚頭
電影LOL︳《秘境探險》北美票房收得 電影公司「毀原著」成功救返套戲？
電影LOL︳《變形金剛》都玩重啟 片商信心爆棚一次過拍三部曲
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
