雅虎香港新聞 電影LOL︳《變形金剛》都玩重啟 片商信心爆棚一次過拍三部曲
上年Paramount片廠宣佈開拍第7部真人版《變形金剛：萬獸崛起》（Transformer: Rise of the Beasts），套戲預計下年2023年6月先上映，不過片廠似乎信心十足，近日宣佈為系列加碼，以《萬》開啟全新三部曲！
《萬獸崛起》為2018年上映《大黃蜂》嘅續集，改編自「變形金剛」動畫Beast Wars，所以今次唔止變形成車，仲會變形成為史前生物！故事設於1994年，地球上的戰爭不再僅限於博派和狂派之間，還有巨無霸、原始獸、龍頭部隊將參戰。根據目前資料，電影似乎會講及Optimus Prime（柯柏文）點解會身處秘魯馬丘比丘，同遇上Optimus Prime、Megatron等，之後打到去紐約！
電影由《王者之後：重拳復仇》導演Steven Caple Jr.執導，由女演員Dominique Fishback及《狂舞紐約》男主角Anthony Ramos分別飾演考古學家及退伍軍人，意外捲入「變形金剛」派別戰爭。監制Lorenzo di Bonaventura受訪時表示為新戲絞盡腦汁，設計一個前所未見嘅歹角，以及為第7部《變形金剛》發掘新意。有別系列以往集中講狂派、博派之爭，今次會講述更多Maximals、Predacons及Terrorcons等新派別之爭！
的而且確《變形金剛》系列頭5部由導演Michael Bay打造嘅電影，真係出咗好多「變形金剛」角色，加上大堆頭大製作咁炸足5集，炸到觀眾都疲勞，唔知狂派博派仲為咩要打生打死，更加唔明點解要保護無貢獻又唔多討好嘅人類主角。所以系列都由勁賺錢嘅暑期鉅片變成蝕到入肉、評分又低嘅爛片！
系列拍爛咗，直至2018年推出所謂系列外傳《大黃蜂》，講述大黃蜂藏身於一個加州小鎮的廢物收集站內，被不知天高地厚的少女查莉(Hailee Steinfeld飾)發現。佢整返好傷痕纍纍嘅大黃蜂，之後1人1車出生入死。電影票房同《變形金剛》系列無得比，不過故事多返人性及戲劇性，整體評價不俗，「變形金剛」終於唔係爛片王！
為咗幫《萬獸崛起》造勢，Paramount仲同美國兒童台Nickelodeon合作於今秋推出全新動畫，2024年仲會推出動畫電影，攻佔合家歡市場。希望Paramount今次重啟《變形金剛》成功，順利推出3部曲！
更多電影文章
電影LOL︳姜濤柳應廷處男作 《阿媽有咗第二個》入圍大阪電影節
電影LOL︳第40屆香港電影金像獎提名公布 《梅艷芳》12項提名 謝賢有望成最年長影帝
電影LOL︳《奇異博士》預告片曝光勁多彩蛋 《變種特攻》Professor X現身 影迷超振奮！
電影LOL︳黑幫大佬變煮飯公 日漫《極道主夫》拍完劇集再上大銀幕
電影LOL︳似科幻片多過卡通 《光年正傳》預告片曝光 巴斯光年終於係太空英雄
電影LOL︳奧斯卡提名公布 《沙丘瀚戰》十項提名演員冇份 Lady Gaga影后五強不入 古天樂監製動畫入圍爭獎
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
