雅虎香港新聞 電影LOL︳《尚氣》帶挈劉思慕片約不斷 將接拍真人版Barbie
新冠疫情勁，但係Marvel都唔弱，事關舊年嘅《尚氣︰十環幫傳奇》埋單計數全球收4.32億美元(約33.72億港元），堪稱係疫潮之下其中一套票房高收嘅電影。起初無人睇好男主角劉思慕，嫌佢冇拍過戲又唔夠靚仔又乜乜乜，但係Marvel 選角點會睇錯人？結果而家劉思慕成為下一個荷里活灸手可熱新貴之一。
劉思慕已經拍好嘅2套新戲，分別係麥克華堡主演、講述越野跑運動員同流浪狗人狗情深故事嘅Arthur the King，以及《烈火湊仔公》導演愛情新作One True Love。近期外媒又報導，「小丑女」Margot Robbie主演嘅真人版Barbie電影，劉思慕將會有份參演。我地之前都介紹過，呢套由新版《小婦人》導演Greta Gerwig自編自導嘅Barbie大電影，會有更多女性自主、多元文化嘅元素，搵劉思慕可能唔止因為佢有Barbie男友阿Ken嘅身型，亞裔身份或者都係原因之一。
無獨有偶，另一套新片Hello Stranger都係女導演（April Mullen）作品。故事講述喪夫不久嘅女子，透過高科技人工智能令老公Evan「再生」，但係無論如何都複製唔到Evan嘅愛。與此同時Evan開始有自覺，甚至對人類社會構成危險。Hello Stranger正在劉思慕成長地加拿大多倫多長開拍攝。
4套新戲在手，仲有Marvel MCU系列新片預計點都預埋尚氣一份。劉思慕人氣咁勁，難怪連Google都搵佢拍手機廣告，仲搵埋劉爸劉媽出鏡，條片幾好笑，有興趣可以搵嚟睇睇。
更多電影文章
電影LOL︳劉德華新片《紅毯先生》演過氣港星 同「侯賽因」31年後再次聚頭
電影LOL︳《秘境探險》北美票房收得 電影公司「毀原著」成功救返套戲？
電影LOL︳《變形金剛》都玩重啟 片商信心爆棚一次過拍三部曲
電影LOL︳姜濤柳應廷處男作 《阿媽有咗第二個》入圍大阪電影節
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
