雅虎香港新聞 電影LOL︳《失驚無神闖謎城》 成班巨星認真做蠢事
因應疫情，社交距離措施延長至4月20日，唯有喺小事上搵返啲歡樂同希望，又或者學吓《失驚無神闖謎城》嘅積極！
《失》原定香港3月24日上映，疫情措施宣佈延長後，電影極速更新上映日期至4月21日，希望如佢所願4月入得返戲院睇！《失驚無神闖謎城》又的確吸引，電影由港人熟悉嘅珊迪娜布洛、《光豬舞壯士》型男卓寧泰坦主演，仲有型佬畢彼特同「哈里仔」丹尼爾烈格夫客串，睇住一班巨星認真做蠢事，係好笑嘅！
電影講述珊迪娜布洛飾演嘅女作家羅莉達莎治性格孤僻但才華橫溢，她筆下的浪漫冒險小說寫盡異國風情，長踞暢銷書榜。可能情節過於逼真，她與小說封面男模艾倫（卓寧泰坦 飾）為新書巡迴宣傳時，竟被貪心富豪（丹尼爾烈格夫 飾）綁架，希望由她引路，找到小說裡所描述的神秘寶藏。一直不甘於做紙上英雄的艾倫，頓時把自己當正是小說中的男主角「達舒」（Dash)，決定闖入叢林，憑一己之力英雄救美！
睇開珊迪娜布洛啲喜劇都知阿姐邊駛人救，今次化身專寫浮跨言情小說作家，明明勁mean又唔鍾意social偏偏寫親都係天雷勾動地火嘅狗血小說；卓寧泰坦飾演嘅男模，玩盡有樣有身裁但無腦嘅笑料； 丹尼爾烈格夫飾演富豪，睇書睇壞腦，竟然信愛情小說作者可以破解千年尋寶地圖；而畢彼特客串好搶鏡亦夠真心膠，佢話自己生得靚仔，因為老豆喺電視新聞報天氣！最正當然係畢佬火海中fing住把秀髮逃離現場！
據男主角卓寧泰坦喺Variety嘅訪問，佢鍾意電影原名The Lost City of D多啲，D意指小說角色Dash亦指戲中艾倫嘅巨鵰，拍攝期間卓寧泰坦就喺社交媒體派福利，上載過一幅僅以馬騮emoiji 遮掩重要部位嘅全裸照，話驚阿媽睇戲嚇親所以提早出post預告定佢會裸露喎！
最後電影公司唔要個D，要咗個更似尋寶探險電影但無特色又悶嘅片名The Lost City，好彩香港片名無跟足直譯，多返啲喜感，疫情下嘅香港觀眾真係好需要盡情大笑、放鬆心情！
更多電影文章
電影LOL︳《秘境探險》北美票房收得 電影公司「毀原著」成功救返套戲？
電影LOL︳《變形金剛》都玩重啟 片商信心爆棚一次過拍三部曲
電影LOL︳姜濤柳應廷處男作 《阿媽有咗第二個》入圍大阪電影節
電影LOL︳第40屆香港電影金像獎提名公布 《梅艷芳》12項提名 謝賢有望成最年長影帝
電影LOL︳《奇異博士》預告片曝光勁多彩蛋 《變種特攻》Professor X現身 影迷超振奮！
電影LOL︳黑幫大佬變煮飯公 日漫《極道主夫》拍完劇集再上大銀幕
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
