雅虎香港新聞 電影LOL︳《秘境探險》北美票房收得 電影公司「毀原著」成功救返套戲？
「蜘蛛仔」Tom Holland吸金力超強，同《變形金剛》男星麥克華堡合作嘅新片《秘境探險》剛剛美國總統日(President's Day)長周末假期上畫，據The Hollywood Reporter報導，短短3日收咗4420萬美金，預計假期過後總收入5100萬美金，遠遠超出Sony Pictures預期嘅3000萬目標！
《秘》改編自Sony旗下Playstation極受歡迎電玩Uncharted，電影成績理想歸功於電影公司大手動刀改動角色設定！原裝遊戲嘅主角Victor及 Nathan分別為阿伯及中佬，依家電影版由麥克華堡、Tom Holland分別飾演Victor及 Nathan，明顯後生咗一大截！
當初電影公佈主演名單時，game迷一片哀嚎話毀原著，依家票房證明電影公司做啱決定。因為受新冠疫情影響，美國依家夠膽入戲院睇戲嘅係年青一群，《秘》近7成入場嘅都係35歲或以下觀眾，主角後生啲自然吸引後生觀眾。
電影美國本土收得好，海外成績都唔弱，喺62個地區開畫周末錄得1億600萬美金票房！雖然電影要3月中先喺另一大票倉中國內地上映，不過Sony Pictures CEO Tom Rothman對成績好滿意，據外媒Deadline透露，Tom於公司公告《秘境探險》將會成為最新嘅賣座電影系列，連導演Ruben Fleisher明言想拍續集！
《秘》講述Nathan Drake(Tom Holland 飾）遇上轉數快又機智嘅Victor Scllivan，2人由競爭對手變拍檔，尋找價值50億美金寶藏兼搵Nathan失踪嘅哥哥Sam，途中對上由西班牙影帝Antonio Banderas飾演嘅反派，掲開史上最神秘的謎團和遺失的寶藏，踏上寶藏獵人之路！
《秘境探險》香港映期原定為2月17日，可惜因為疫情戲院暫時要停業，開返相信映期都會大執位，本來下星期會Robert Pattinson主演嘅新版《蝙蝠俠》，似乎可能要再等下先有得睇。
更多電影文章
電影LOL︳《變形金剛》都玩重啟 片商信心爆棚一次過拍三部曲
電影LOL︳姜濤柳應廷處男作 《阿媽有咗第二個》入圍大阪電影節
電影LOL︳第40屆香港電影金像獎提名公布 《梅艷芳》12項提名 謝賢有望成最年長影帝
電影LOL︳《奇異博士》預告片曝光勁多彩蛋 《變種特攻》Professor X現身 影迷超振奮！
電影LOL︳黑幫大佬變煮飯公 日漫《極道主夫》拍完劇集再上大銀幕
電影LOL︳似科幻片多過卡通 《光年正傳》預告片曝光 巴斯光年終於係太空英雄
電影LOL︳奧斯卡提名公布 《沙丘瀚戰》十項提名演員冇份 Lady Gaga影后五強不入 古天樂監製動畫入圍爭獎
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
