雅虎香港新聞 電影LOL︳自編自導自己傳記片 Madonna親自出馬選角 女星入集訓營日操11個鐘搏中選
論獎項論票房，樂壇人物傳奇電影都係近年荷里活大熱之選。《波希米亞狂想曲》同《搖滾太空人》都大收旺場，《波》演Queen靈魂人物Freddy Mercury嘅Remi Malek憑電影拎埋影帝，唔少片商同大星都希望複製成功方程式。
早前落實開拍樂壇跨世代天后Madonna嘅傳記片，已經進入選角階段。根據外媒報導，候選女星包括主演劇集Ozark嘅28歲女星Julia Garner、憑《小婦人》入圍奧斯卡最佳女配角嘅Florence Pugh，以及一班音樂劇界、獨立短片界及新晉演員爭住做娜姐。
以往電影選角可能會係試對白兼傾吓偈，但係要演能歌善舞兼天后氣場強勁嘅Madonna，選角決定電影成敗，據業界人士爆料，今次選角過程數以月計！當中包括同Madonna排舞師一齊上跳舞堂，而娜姐本尊都會參與其中，同候選女演員一齊跳舞、圍讀劇本同唱歌。知情人士話，是但一瓣做唔好，唔駛旨意演娜姐！即使「中獎」，估計都要再接受幾個月特訓。
咁多要求，因為Madonna會係呢套戲嘅編劇及導演，明晒！娜姐上年喺名嘴Jimmy Fallon嘅節目提到，咁落手落腳參與套戲，因為過去無數人想拍佢嘅故事，但統統都係男人。於是娜姐搵咗唔少圈中才女埋班，包括《Juno少女孕記》金像編劇Diablo Cody一齊寫劇本。
講到咁實牙實齒，但係原來片商環球仲未正式落實開拍。不過以娜姐個名同經歷，大把人想睇，大把女星想做，爆硬！
更多電影文章
電影LOL︳聽候5年 韋家輝 x 劉青雲《神探大戰》內地4月上畫 預告片曝光
電影LOL︳荷里活大片廠相繼杯葛 《熊抱青春記》、《蝙蝠俠》抽起俄羅斯上映安排
電影LOL︳美國演員工會大獎 《魷魚遊戲》破紀錄奪3獎 眾星表態支持烏克蘭
電影LOL︳《尚氣》帶挈劉思慕片約不斷 將接拍真人版Barbie
電影LOL︳劉德華新片《紅毯先生》演過氣港星 同「侯賽因」31年後再次聚頭
電影LOL︳《秘境探險》北美票房收得 電影公司「毀原著」成功救返套戲？
電影LOL︳《變形金剛》都玩重啟 片商信心爆棚一次過拍三部曲
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
