雅虎香港新聞 電影LOL︳聽候5年 韋家輝 x 劉青雲《神探大戰》內地4月上畫 預告片曝光
戲院重開無期，但係今日總算收到一個令影迷振奮嘅消息︰韋家輝編劇導演，劉青雲、林峯、蔡卓妍主演嘅《神探大戰》，今日推出預告片及海報，並安排喺內地4月上演。
《神探大戰》2018年開鏡拍攝後消息唔多，頂盡係去年初片商公布套戲即將上映，冇啦！
故事講述患有精神病後被撤職嘅原O記總督察「神探」李俊（劉青雲），為查多年前凶案真相獨闖犯罪現場，以「神探夫婦」陳儀（阿Sa)及方禮信(林峯）為首嘅重案組同步調查，同時牽起了一宗又一宗同李俊有關嘅舊案謎團。
見到劉青雲同「神探」，好自然會諗起杜琪峯韋家輝執導嘅2007年作品《神探》，劉青雲飾演嘅陳桂彬同樣係因為有精神病後被免職，戲中青雲仲自割耳朵，諗起都覺得震撼。
《神探大戰》預告片入面，劉青雲依然狂態畢露，跳入洪水洶湧嘅渠道之餘，仲用槍威脅人質。上次《神探》陳桂彬捉魔警搵心魔，今次嘅兇手會唔會就係李俊自己？畢竟預告尾段嘅對白係「同怪物搏鬥，小心自己成為怪物」……
香港政府早前公布防疫措施起碼去到4月20日，即係好大機會《神探大戰》唔能夠兩地同步上畫。影迷們，頂住呀！
更多電影文章
電影LOL︳荷里活大片廠相繼杯葛 《熊抱青春記》、《蝙蝠俠》抽起俄羅斯上映安排
電影LOL︳美國演員工會大獎 《魷魚遊戲》破紀錄奪3獎 眾星表態支持烏克蘭
電影LOL︳《尚氣》帶挈劉思慕片約不斷 將接拍真人版Barbie
電影LOL︳劉德華新片《紅毯先生》演過氣港星 同「侯賽因」31年後再次聚頭
電影LOL︳《秘境探險》北美票房收得 電影公司「毀原著」成功救返套戲？
電影LOL︳《變形金剛》都玩重啟 片商信心爆棚一次過拍三部曲
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
