雅虎香港新聞 電影LOL︳片商高層落實 《阿凡達2》今年年尾如期上映
《鐵達尼號》大導占士金馬倫2009年鉅製《阿凡達》全球狂收28億4700萬，即使近年Marvel超級英雄片《復仇者聯盟》同fans眾多嘅《星球大戰》系列電影都大收旺場，但《阿》依然力保全球最高票房紀錄。《阿凡達2》早已落實開拍，不過上映日期一拖再拖，由2014推到2017到2018到2020，前年年中終於敲定2022年12月16日上畫，係第8次公告延期。
The Hollywood Reporter早前專訪《阿凡達2》片商20世紀影片總裁Steve Asbell，記者直截了當問2022年映期係咪照舊，Asbell諗都唔駛諗答「係」，仲話套戲會「震懾人心」，而且占士金馬倫會殺大家一個措手不及。《阿凡達》上畫至今已經13年，Steve Asbell唔擔心觀眾熱情冷卻，因為母公司迪士尼嘅市場推廣無可匹敵，《阿凡達2》唔止係一套續集，而係一個傳奇！
《阿凡達》大部份演員將會喺《阿凡達2》出現，男女主角繼續由 Sam Worthington 同Zoe Saldana擔綱，仲會有琦溫斯莉、楊紫瓊同雲迪素等巨星加盟。故事將會交代Jake 同Neytiri成為父母後，佢地一家點樣面對星球上發生嘅另一場危機。
去年底占士金馬倫受訪時提到拍第2集似係豪賭一鋪，因為佢唔敢保證有冇機會回本，畢竟而家觀影習慣同多年前已經完住唔同，仲要有疫情影響。
《阿凡達2》同《阿凡達3》同步製作，第3集將會喺2024年底上映。電影公司會睇票房再決定係咪再拍第4、5集。留意返，占士金馬倫今年已經67歲，有冇第4567集，唔止睇票房，仲要睇導演有冇咁好魄力。
更多電影文章
電影LOL︳美國獨立精神大獎 李政宰膺視帝 司儀台上爆粗X普京
電影LOL︳自編自導自己傳記片 Madonna親自出馬選角 女星入集訓營日操11個鐘搏中選
電影LOL︳聽候5年 韋家輝 x 劉青雲《神探大戰》內地4月上畫 預告片曝光
電影LOL︳荷里活大片廠相繼杯葛 《熊抱青春記》、《蝙蝠俠》抽起俄羅斯上映安排
電影LOL︳美國演員工會大獎 《魷魚遊戲》破紀錄奪3獎 眾星表態支持烏克蘭
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
