電影LOL︳傳明珠台連續2年唔播奧斯卡 大會批准外地參加者免隔離

第94屆美國電影金像獎頒獎禮將於美國時間3月27日（香港時間3月28日）喺洛杉磯舉行。以往香港觀眾想睇奧斯卡，日頭可以喺TVB明珠台睇直播，返工睇唔到都可以夜晚睇重播。不過去年TVB冇安排播放奧斯卡，而據電視評論人游大東所得嘅消息，明珠台今年同樣唔會播放奧斯卡，當晚黃金時間更播放舊片。

去年奧斯卡最佳紀錄短片入圍作品當中，有記錄香港反修例運動嘅《不割席》（Do Not Split），令人聯想到TVB唔播奧斯卡可能係基於政治因素。游大東亦就轉播奧斯卡事宜向三間電視台查詢，TVB截稿前未有回應，其他電視台表示冇回應。

早前美國多個電影頒獎禮都有參加者以衣著或言論，反對俄羅斯入侵烏克蘭，假如戰事持續，估計奧斯卡頒獎台上都會有唔少得獎人表態。

至於奧斯卡大會就宣佈，徵詢醫學顧問建議後，由外國入境參加頒獎典禮嘅來賓，將唔需要接受一般為期5日嘅檢疫隔離。參加者只需要進行核酸檢測，結果呈陰性就可以參與頒獎典禮。而頒獎嘉賓無需出示疫苗證明，但入座觀眾就要。

大會本周公布更多頒獎嘉賓人選，當中包括《尚氣》男主角劉思慕、上屆憑《農情家園》奪得嘅最佳女配角嘅南韓演員尹汝貞、影帝Rami Lamek、女星Uma Thurman、Lady Gaga等，對比金球獎當堂星光熠熠得多。

更多電影文章

電影LOL︳力推賽車同非戲劇內容 Apple TV+購入「黑帝」咸美頓紀錄片

電影LOL︳因應疫情 香港電影金像獎延期6月舉行

電影LOL︳片商高層落實 《阿凡達2》今年年尾如期上映

電影LOL︳美國獨立精神大獎 李政宰膺視帝 司儀台上爆粗X普京

電影LOL︳號稱台灣最恐怖鬼片 《咒》要觀眾一齊唸咒一齊驚

電影LOL︳自編自導自己傳記片 Madonna親自出馬選角 女星入集訓營日操11個鐘搏中選

電影LOL︳聽候5年 韋家輝 x 劉青雲《神探大戰》內地4月上畫 預告片曝光

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載