雅虎香港新聞 電影LOL︳力推賽車同非戲劇內容 Apple TV+購入「黑帝」咸美頓紀錄片
舊年一級方程式賽車競爭激烈，最後一站要鬥到最後一圈先決出年度冠軍，人稱「黑帝」嘅英國賽車手咸美頓（Lewis Hamilton)惜敗。雖然未能八度奪冠，但係無損呢位車手嘅傳奇光茫，以咸美頓為題材嘅紀錄片，已經被Apple TV+購入。
咸美頓出身自英國平凡家庭，童年時已經展現賽車天份，佢爸爸為咗栽培阿仔仲打幾份工搵錢。向來賽車界鮮有黑人參與，咸美頓唔止打破呢個傳統，而且年紀輕輕就嶄露鋒茫，至今贏得7次世界冠軍，同「車神」舒密加齊名。淨係聽到呢段經歷都知有大把題材可以拍。紀錄片將會有咸美頓同佢團隊嘅訪問，咸美頓亦會擔任監製。
Apple TV+今次出手，業界毫不意外。早前Apple搵咗咸美頓，為由畢彼特主演、以一級方程式為題材嘅電影出任顧問，可見蘋果本身都有興趣製作內容吸引車迷。而Apple TV+ 4月下旬會有以NBA名宿「魔術手」莊遜為題材嘅特輯They Call Me Magic，又有年初逝世、首位金像獎黑人影帝薛尼波特嘅紀錄片。與其同Netflix、Amazon或Disney+鬥拍戲，Apple似乎想開拓紀錄片呢條新戰線，所以買咸美頓嘅紀錄片，絕對合情合理。
更多電影文章
電影LOL︳美國獨立精神大獎 李政宰膺視帝 司儀台上爆粗X普京
電影LOL︳自編自導自己傳記片 Madonna親自出馬選角 女星入集訓營日操11個鐘搏中選
電影LOL︳聽候5年 韋家輝 x 劉青雲《神探大戰》內地4月上畫 預告片曝光
電影LOL︳荷里活大片廠相繼杯葛 《熊抱青春記》、《蝙蝠俠》抽起俄羅斯上映安排
電影LOL︳美國演員工會大獎 《魷魚遊戲》破紀錄奪3獎 眾星表態支持烏克蘭
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
