雅虎香港新聞 電影LOL︳Anson Lo盧瀚霆拍英國導演新片 夥日泰韓星卡士重慶大廈打喪屍
MIRROR成員姜濤今年喺叱咤頒獎台講過「我哋一定會係亞洲第一」。呢個目標唔可能一步登天，不過起碼佢嘅隊友Anson Lo盧瀚霆就朝住呢個方向踏出一步。
外媒Variety報導，「教主」Anson Lo將會參演由英國導演Bizhan Tong執導嘅新片《重慶大廈》。故事講述一群唔同身份嘅人喺迷宮一樣嘅尖沙咀重慶大廈被喪屍襲擊，要用盡方法逃出生天。電影正在籌備拍攝，預計今年夏天開鏡。
大家都知出入重慶大廈嘅人咩國籍都有，《重慶大廈》嘅班底同樣係聯合國陣容，包括有泰國史上最高票房電影《嚇鬼阿嫂》女主角Davika Hoorne、拍足6季嘅日劇《和歌子酒》女主角武田梨奈、韓國綜藝《單身即地獄》參加者崔時訓、新加坡演員林慧玲及陳泂江等。而香港演員仲有會飾演兩姊妹嘅李詩嬅同陳瀅，以及再拍喪屍片嘅張繼聰。
導演Bizhan Tong本身係銀行家，後來轉投電影界，前作The Escort得過好幾個中小型影展嘅獎項，但係影片資訊網IMDB上嘅評分得4.7（10分滿分）。Bizhan Tong亦同過亞視旗下嘅亞洲心動娛樂合作，擔任劇集Forensic Psychologist嘅導演及監製。題外話，Forensic Psychologist卡士唔差，有《淪落人》女主角Crisel Consunji、陳瀅、《膠戰》嘅肥腸等，似乎導演都幾熟香港市場，希望《重慶大廈》會拍出港式風味，等一眾神徒期待教主打喪屍！
更多電影文章
電影LOL︳古天樂監製《一家人大戰機械人》揚威動畫頒獎禮 大有機會拎埋奧斯卡？
電影LOL︳傳明珠台連續2年唔播奧斯卡 大會批准外地參加者免隔離
電影LOL︳力推賽車同非戲劇內容 Apple TV+購入「黑帝」咸美頓紀錄片
電影LOL︳美國獨立精神大獎 李政宰膺視帝 司儀台上爆粗X普京
電影LOL︳自編自導自己傳記片 Madonna親自出馬選角 女星入集訓營日操11個鐘搏中選
電影LOL︳聽候5年 韋家輝 x 劉青雲《神探大戰》內地4月上畫 預告片曝光
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
