雅虎香港新聞 電影LOL︳張家輝終於有新片 《新秩序》導演係《掃毒》古惑仔
近年張家輝明顯減產，對上一套電影已經係2019年中上映嘅《催眠．裁決》。舊年有報導神隱多時嘅家輝上深圳開工，接拍內地新片《新秩序》。呢套電影近日推出預告片，並暫定7月8日內地上畫。同片男主角仲有王大陸及阮經天。
故事講述了橫跨黑白兩道的洪泰集團，長期暗中從事人體器官交易等犯罪活動，陳安（張家輝飾）的妹妹便是受害者之一。為報仇，陳安悍然入局，與以警察麥朗汶（阮經天飾）、黑幫成員馬文康（王大陸飾）為首的勢力短兵接戰，各方角力之下，一場生猛混戰一觸即發。
睇預告片，《新秩序》打正「暴力犯罪爽片」旗號，有唔少打鬥場面仲有走廊巷戰，睇落有幾分韓片暴力美學味道。幾個鏡頭所見，張家輝似乎會有癲喪狂妄演出，阮經天亦同以往所見嘅演出有所不同，只要故事唔甩轆，都幾值得期待。
《新秩序》係導演馬浴柯首部作品，原來佢入行20年主要做演員，2013年嘅《掃毒》入面飾演白髮古惑仔段坤，即係戲中張家輝句對白「段坤我攞梗！耶穌都留唔住佢，我話嘅！」所提到嗰位。張家輝同馬浴柯喺《掃毒》只有一兩場對手戲，但後來做宣傳了解多咗而成為朋友，馬導開戲仲「出山」力撐。
更多電影文章
電影LOL︳發夢靚妹變超級英雌 新劇Ms. Marvel預告片登場 6月Disney+上架
電影LOL︳Anson Lo盧瀚霆拍英國導演新片 夥日泰韓星卡士重慶大廈打喪屍
電影LOL︳古天樂監製《一家人大戰機械人》揚威動畫頒獎禮 大有機會拎埋奧斯卡？
電影LOL︳傳明珠台連續2年唔播奧斯卡 大會批准外地參加者免隔離
電影LOL︳力推賽車同非戲劇內容 Apple TV+購入「黑帝」咸美頓紀錄片
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
