電視決策者在發夢

【星島日報報道】唔明唔明！實在冇邏輯！點解所有香港電視台決策人，好似 ，如此有吸引力的本土節目，竟可以走大雞？從前的香港，絕對冇可能發生！對，小弟講的，正是上周六萬眾矚目，全港觀眾被逼放棄電視改而上網，為乜？正是為欣賞我 最關心、最緊張的一場拳賽——「神奇小子」曹星如決戰前世界拳王河野公平。呢場「王者對決3」，若果任何電視台取得獨家直播，除廣告滾滾來外，對成家電視台的形象及霸氣，必定取得空前勝利，將所有對手打低！ 不過奇過蒙太奇，不知是否TVB、now、Viu、有線及奇妙電視全部出手太低，又或懶懶閒，毫無競爭鬥心，竟然一家都冇直播！這現象，實在難明。 ，TVB及now，幕後財雄勢大，要爭，財力絕不是問題。點解縮窒縮窒？TVB貴為「一哥台」，在此全城關注的賽事競投中，點解冇 影，請向股東交代。 now又係離奇，李澤楷大把錢又要威，既然早早用天文數字獨霸西甲及英超，為乜去到一場省招牌的拳賽時，像馬失前蹄咁 唔到獨家播影權？為乜今次唔應使得使重錘出擊？若一舉奪得播影權，在now及Viu播，勢必打窒TVB，打 打 ，將有機會問鼎電視霸主位。 奇妙電視呢？新大股東是否在夢遊？咁大隻「起朵雞」都放棄？搞免費電視，面對全港觀眾市場，捉到一個全城關注節目，一定勝過花幾百萬元賣廣告，因所有傳媒都要跟住你旋律走！ 結果，TVB、now及有線三大電視集團決策人全部「夢遊球場」，播影權畀香港寬頻奪去，作為觀眾，小弟非常不滿。因網上睇，不時窒 窒 ，雖云直播，但經常冇聲冇畫，真係睇到火都 埋，好 ，故執筆斥責所有電視台頭頭。究竟，你班友是否在做大眾傳播 ？ 阿碌開咪 曾智華 副刊