食蜘蛛當小食？柬埔寨蜘蛛村大膽遊客去挑戰

唔同地方都有當地特有嘅特色小食，大多數人都以為係一啲甜點、糕餅之類，講到重口味已經數到大陸嗰堆炸草蜢或者台灣嘅雞冠咁。不過原來高處未算高，東南亞柬埔寨呢，就有一條村以出產蜘蛛小食而聞名嘅蜘蛛村！呢個位於中部嘅小鎮Skuon，入面大街小巷只見都有賣炸蜘蛛小食，好似一隻手掌一般大細嘅蜘蛛，每隻要1蚊美金。食法就係沾上鹽及大蒜去油炸，然後好似食雞脾咁拎住成隻咬！呢樣小食自1970年起開始流傳，Skuon呢個地區出產大量捕鳥蛛（Tarantula），一路以嚟仲吸引唔少遊客爭相前嚟挑戰呢種攞膽小食；根據一眾勇士所言，炸蜘蛛其實好似食蟹一樣咁喎。雖然呢個傳統仍然維持，不過因為捕鳥蛛嘅棲息地係樹林，而近年卻被大量砍伐，以致蜘蛛量大減；可能不久嘅將來，呢個傳統都會消失呢。

唔少遊客都遠道前往Skuon去挑戰呢道小食。

食法必須原隻咁拎起去咬，真係少啲膽力都唔得。

目前每隻炸蜘蛛都要成1蚊美金，比過去貴咗10倍！

相關文章：

12星座適合去旅行嘅城市 睇完又好想去日本！

台北最新打卡熱點！排隊食櫻花草莓千層蛋糕

【超正】《週刊少年Jump》聯乘Georgia 50款咖啡有排儲

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！