雅虎香港新聞 【香港好去處】中環賞花藝術一日遊 稀有古樹節果決明/繡球樹/期間限定藝術活動/人氣墨西哥卷
春夏季係賞花季節，香港無論郊外定市區都可以搵到各式各樣嘅花卉。今次推介中環賞花藝術一日遊，會看到香港美利酒店嘅稀有古樹節果決明，以及到香港動植物公園嘅繡球樹，亦推介大館嘅兩大期間限定藝術活動；最後會到人氣墨西哥卷餅小食店嘆最新推出嘅健康口味墨西哥卷，適合閨密或一大班朋友一齊出動！
—
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
—
香港只有兩棵？酒店看稀有古樹節果決明
踏入初夏，又有唔同嘅花種開花。位於香港美利酒店停車場嘅17米高節果決明，亦已開出粉紅夾着白色嘅一串串小花，相信完全盛開時會相當壯麗! 節果決明源自熱帶亞洲，於香港屬於珍貴或稀有品種，全港只有兩棵，分別在美利酒店和迪欣湖，而酒店內嘅呢棵亦於2004年9月被列入古樹名木冊，每到四月到五月嘅花期，粉嫩嘅花瓣紅白交錯，像櫻花一樣夢幻。
有見及此，酒店於4月29日至5月2日，將舉行「頌花賞樹節」，到時場地會佈滿花卉裝飾，大家可賞花嘅同時，亦可選購不同花藝主題嘅商品，如鮮花、花茶、訂製香水，還有本地帽飾設計師 Imelda Ho 的主題帽子及本地手工氈酒及啤酒等，令人相當期待。
香港美利酒店
地址: 中環紅棉路22號
網址: 按這裡
前往方法: 從港鐵中環站J2出口步行11分鐘
香港動植物公園看盛開繡球樹
睇完節果決明，下一站去香港動植物公園，尋找繡球樹。繡球樹每逢四至五月開花，紅噹噹嘅圓球狀球花朵由50小花密生聚合而成，一個個吊在樹上，遠看像一顆紅色絨球，非常搶眼! 同場還有七彩繽紛嘅松果菊、燈籠花、風鈴草等盛開或初綻開，值得大家專登去一轉賞花！
香港動植物公園
地址: 香港中環雅賓利道
電話: 2530 0154
網址: 按這裡
前往方法: 乘坐公共巴士12, 12A, 12M, 13, 23, 23B, 40, 40M, 103
大館新增兩大限定活動 從作品深討社會議題
從香港動植物公園步行十分鐘去到大館。大館於4月新增了不少限定活動，包括全新展覽「墨城」及「咫尺之內，開始之前：隨意門及其他足跡」。當中「墨城」由唐凱琳及Tobias Berger策劃，以水墨藝術為媒介，讓藝術家把自身意識轉成其作品。場內匯聚19位風格各異嘅藝術家，包括曾灶財（九龍皇帝）、陳福善、陳劭雄等，展出50件不同形式嘅作品，如畫作、書法、藝術家書籍，甚至係大型藝術裝置及錄像等作品，促使大家以不同角度了解社會所關注嘅議題。
另「咫尺之內，開始之前：隨意門及其他足跡」，係對已故香港藝術家夏碧泉個人文獻資料庫嘅研究。展覽由十個「場景」組成，除了展出夏碧泉一系列嘅圖像、底片、書籍，還有五個藝術家嘅委約作品，包括Banu Cennetoğlu、關尚智、林穎詩等，回應夏氏嘅文獻收集實踐與藝術創作。
大館
地址: 中環荷李活道10號
網址: 按這裡
前往方法: 從香港動植物公園步行10分鐘/ 從港鐵中環站D1出口步行7分鐘
人氣墨西哥卷餅小食店 最新健康消暑Taco
最後一站就緊係醫肚！從大館步行5分鐘，去到人氣墨西哥卷餅小食店「Hunger Point」，主打嘅墨西哥卷餅，結合港式口味，除咗港式三寶包括十五味豬腩、XO醬臘腸大蝦、沙嗲牛肉等，還有最新推出嘅「CHOY」口味，加入紫番薯、秋葵、牛油果、葵花子及自家製青汁，健康又清新適合炎炎夏日，最正係可選軟版及尤如雪糕筒的脆版Taco皮，極富玩味。一場嚟到，記得試埋即叫即做嘅創新口味雞蛋仔，推介蘿蔔糕雞蛋仔及油炸鬼肉鬆榨菜味雞蛋仔，味道有驚喜！
Hunger Point
地址: 中環歌賦街 45 號地下
網址: 按這裡
前往方法: 從大館步行5分鐘/ 從港鐵上環站E2出口步行6分鐘
更多相關文章
【香港賞花】香港5大賞繡球花熱點 嘉道理農場/ 九龍仔公園/ 大埔海濱公園 | 附前往方法
【行山路線】鹿湖郊遊徑吊鐘花盛開 登上大枕蓋賞花/俯瞰萬宜水庫+南蛇尖美景
【香港好去處】灣仔+中環藝術打卡之旅 Chocolate Rain主題裝置+公園藝術遊+玻璃DIY工作坊
【香港賞花】嘉道理農場重開後 花朵被踐踏兼隨處垃圾 6大賞花禮儀你要知
【香港好去處】 將軍澳賞花一日遊 夢幻園圃+鐘花櫻桃+寵物手作市集+海傍Cafe
【香港好去處】新界北區賞花一日遊 紅花風鈴木+黃花風鈴木+大水管打卡
【香港櫻花】5大香港賞櫻熱點+開花預測 將軍澳單車館公園+鰂魚涌公園+科學園
【本地好去處】西貢悠閒一日遊行程推介 珍珠首飾DIY班+純白日系Cafe+環保雜貨店
【新年好去處】元朗小青森農莊 4大打卡位+青森祭典+蘋果美食
【本地好去處】大澳一日遊 大澳必食名物+打卡壁畫+文青雜貨店+玻璃屋下午茶
【香港野餐】5大野餐好去處+揀位攻略 歐陸建築+海景大草原+市區叢林打卡位
【香港野餐】4大懶人野餐準備 租借野餐籃+專人佈置+最強打卡場景
【本地好去處】青衣一日遊行程推介 青衣公園賞落羽松+觀景台看日落+美食街掃街
【香港賞花地點】 紅花風鈴木+櫻花+木棉花 春季花期情報+ 賞花公園推介
【狗狗好去處】九龍東寵物放電一日遊 寵物攝影+寵物友善營地+大草地睇日落
