雅虎香港新聞 新手野餐丨4大懶人野餐租借推介攻略！野餐籃套裝/專人佈置/最強打卡場景
假日遇上好天氣，唔少人都會逃離人多擠迫的地方，往郊外或公園野餐。近年香港流行打卡野餐，以不同的野餐道具，如野餐籃、超美的野餐墊、木製小枱，甚至帳蓬、花束等，打造超夢幻野餐主題。如果大家懶得準備，又或根本無呢方面嘅Sense，今次推介4間小店，幫大家準備野餐道具布置/野餐食物籃，只需預先上網預約，揀好野餐目的地，就可以同一班朋友或閨蜜來一個夢幻野餐體驗，打卡都打到手軟！
1. 陳凱琳都Like！摩洛哥風野餐佈置
Decor Like This的野餐佈置套餐足有11個選擇，價錢由$250-$1,500不等，價錢不包Set up，需點對點交收，用具租用24小時。每個套餐的道具各有不同，最平的經典輕便野餐，$250包2人用具份量，好似餐具、野餐籃、白色野餐墊、真乾楓葉等；而最浮誇的摩洛哥風野餐Deluxe，$1,500有2-8人用具份量，有蠟燭台、摩洛哥抱枕、民族餐墊、乾花等，另加$2000更有Set up及2小時攝影服務，超專業！最正係被譽為近年最美港姐的陳凱琳，都睇中其摩洛哥風野餐佈置，影咗輯超美的閨蜜照。
Decor Like This
網址: 按這裡
2. $199起 打造小清新打卡位
Yolo (𝐘𝐎𝐔 𝐎𝐍𝐋𝐘 𝐋𝐈𝐕𝐄 𝐎𝐍𝐂𝐄)於去年10月成立，提供拍攝道具租借、場地佈置等，當中野餐佈置共有三個恆常套餐，由$199-268不等，另會按時令推出不同主題布置。每個套餐主要提供二人野餐用具，包括野餐墊、餐具餐碟、主題性道具等，好似最奢華的Thai Kong Gal Luxury Set，$268包13種道具如格仔防水地墊、花形藤鏡、空酒瓶、雲石紋白盤等，雖然價錢都係唔包Set up，但全部道具都係Ready to use，簡單放出嚟已經打卡了！
Yolo
網址: 按這裡
3. 波希米亞風 有Set up及清潔服務
如果驚自己唔識或懶得Set up的話，Picnicking by Misaka的野餐佈置套餐就一個價錢包晒Set up、收拾及清潔服務。三款二人套餐可選白色、波希米亞或秋天主題，$450的基本套餐，包括野餐矮枱、餐具等基本裝備；$550的Deluxe套餐另有白色帳幕；$1200的Premium套餐則另加鮮花裝飾，價錢已包九龍區運費，港島區或新界區需另加運費。因疫情關係，每個套餐都會提供酒精消毒噴霧，而所有用具都會經過徹底消毒，讓大家玩得安心。
Picnicking by Misaka
網址: 按這裡
4. $450起野餐籃 傳統英國野餐風味
以上三間以場地佈置、道具租借為主，套餐都不包括食物。而英國餐廳BRICK LANE推出英式野餐籃，共4款選擇，價錢由$450 -$980不等，有大蝦沙律、生果杯、黑松露薯條、朱古力蛋糕、餐酒等，另可追加不同菜式如芝士拼盤、燒雞等。套餐還包括借用英倫籃子、毯子、陶器和餐具，俾大家感受傳統英國野餐風味。
BRICK LANE
網址: 按這裡
👉🏼香港行山好去處專頁：發掘更多人氣/隱世/靚景/新手行山路線！
更多行山好去處文章
行山路線丨深涌行山野餐新手路線 兩小時行完！深涌大草地賞唯美芒草+深涌碼頭睇日落
西貢萬柱海岸進階行山路線！尋超美香港絕景！觀世界級六角柱岩海岸線/木棉洞震撼打卡位丨即睇片
大東山芒草攻略2022！三大賞芒路線懶人包：輕鬆/靚景/挑戰級別路線＋交通詳情
赤洲遠足浮潛小島遊！「海上丹霞」大片赤紅色岩石＋蔚藍海水＋超靚隱秘沙灘
