【香港好去處】銅鑼灣卡通主題親子遊 唐老鴨嘉年華+布甸狗期間限定店+卡通糖霜曲奇工作坊

【香港好去處】銅鑼灣卡通主題親子遊
【香港好去處】銅鑼灣卡通主題親子遊

根據非正式統計,十個小朋友有九個都鐘意卡通!放假帶小朋友來個卡通主題遊,一定開心到佢暈!今次推介的銅鑼灣卡通親子遊行程,既會見到變形金剛、布甸狗及唐老鴨,最後更可DIY屬於自己的卡通糖霜曲奇,一整日都浸淫在卡通世界之中!

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

變形金剛期間限定店 4大宇宙戰鬥場景+逾50款玩具

唔少大小男孩都係變形金剛粉絲,銅鑼灣皇室堡於即日起至5月2日期間就舉行全港首個《變形金剛:斯比頓傳奇》期間限定店,發售逾50款主題玩具,當中採用80年代復刻包裝的「變形金剛頭領戰士系列」等,而指定系列商品亦獲會場獨家折扣低至8折!

場內亦特設4大宇宙戰鬥場景,設有一系列3D立體裝置,包括近2米高兩派領袖柯柏文及麥加登、近1.7米高大黃蜂,唔買野都記得去打卡。

皇室堡 x 變形金剛:斯比頓傳奇 超能爭霸
地址:皇室堡地下中庭
日期:即日起至5月2日
網址:按這裡

前往方法:從港鐵銅鑼灣站E出口步行2分鐘

布甸狗期間限定店 發售200款主題產品

今年係布甸狗25週年紀念,為了慶祝25歲生日,Sanrio於即日起至4月26日期間在銅鑼灣Sogo 7/F舉行布甸狗期間限定店,發售超過200款布甸狗主題產品,當中包括布甸狗25週年主題精品,部分更是限量發售。當中最受歡迎是布甸狗頭茶壺、玻璃杯、縮骨雨傘、化妝袋等,小心買到失控呀!

25週年紀念布甸狗期間限定店
地址:銅鑼灣SOGO崇光百貨7樓
日期:即日至4月26日
網址:按這裡

前往方法:從皇室堡步行3分鐘 /從港鐵銅鑼灣站D3出口直達

首個唐老鴨主題展覽 7大主題互動專區+珍品展

由即日起至6月13日,時代廣場舉行全新唐老鴨幾何樂園嘉年華《Donald Duck Geometric World》,設有7大主題互動專區以及全新「唐老鴨珍品展」。7大主題互動專區內,最搶眼一定係2.7米的「唐老鴨發聲大屁屁」,大家只要按下大屁屁按鈕更會有長達10秒的唐老鴨聲音;另有6米高「唐老鴨趣怪帽子」、以Donald及Daisy的剪影打造的夢幻光影鞦韆等,每一個位都係超美的打卡位。

廣場二樓設「唐老鴨珍品展」及「霓虹剪影屋」,首次展出與著名首辦公仔創作達人 Eric So聯乘的唐老鴨精品系列,如唐老鴨85 週年紀念版銅像,以及展覽限定特別配色唐老鴨Hoopy系列等。即使非唐老鴨粉絲,都會被場內的嘉年華氣氛感染到勁Hyper。

《Donald Duck Geometric World》
地址:銅鑼灣時代廣場地面露天廣場及2樓中庭
網址:按這

前往方法:從崇光百貨步行7分鐘 /從港鐵銅鑼灣站A出口直達

糖霜曲奇工作坊 可自選卡通圖案

睇咗咁多卡通,不如親手DIY吧!今次推介的卡通造型糖霜曲奇工作坊,導師持有日本JSA協會糖霜曲奇導師資格,由辨識糖霜的硬度、擠花的畫法、製作剪影等一步步教大人細路製作屬於自己的卡通曲奇。客人在報名時通知導師想整的曲奇款式,每位$320-$350(按曲奇的複雜度及顏色數量而定),課程約2.5小時,即可製出6塊曲奇。工作坊自由度甚高,一人起開班,除了銅鑼灣,亦可選灣仔、觀塘、旺角等地上堂!

Prissy Little Weirdo 糖霜曲奇工作坊
地址:銅鑼灣禮頓道9-11號合誠大廈18樓
網址:按這裡

前往方法:從時代廣場步行4分鐘 /從港鐵銅鑼灣站A出口步行4分鐘

更多相關文章

【香港好去處】元朗親子郊遊行程推介 親親小白兔+向日葵花田+品嚐韓式吐司

【香港好去處】長洲悠閒打卡一日遊 日式陶瓷小店/隱世靚Cafe/人氣愛情鎖牆 | 附最新渡輪資料

【香港好去處】灣仔至上環文化藝術一日遊 玩樂設計展/音樂體驗咖啡店/版畫作品展覽

【復活節好去處】 鹽田梓親子一日遊 參觀鹽田/二級歷史建築聖若瑟小堂/ 紅樹林/ 打卡位玉帶橋 | 附前往方法

【行山路線】石龍拱、蓮花山、白石橋行山路線 飽覽港九美景+白石滑梯打卡位+尋訪蓮花山廢校

【行山路線】花瓶頂俯瞰大嶼山景色 青馬大橋收費站出發睇埋草灣沙灘

【行山路線】紫羅蘭山吊鐘花盛開 賞吊鐘花路線推介 打卡欄杆位+細看法定古蹟

【行山路線】鹿湖郊遊徑吊鐘花盛開 登上大枕蓋賞花/俯瞰萬宜水庫+南蛇尖美景

【行山路線】朗屏出發登上丫髻山 賞南生圍魚塘、后海灣、橫洲配水庫美景

【行山路線】坑口至西貢靚景路線推介 鴨仔山+將軍澳少女峰+白水碗沙灘+露營灣

【行山推介】香港三大初級行山路線 大帽山/昂平高原/飛鵝山

【香港好去處】嘉道理農場重開 登上觀音山 睇鐘花櫻桃+ 吊鐘花+野生動物

【市區行山】南山到斧山路線推介 欣賞鯊魚石+空心樹+九龍景色

【本地好去處】青衣一日遊行程推介 青衣公園賞落羽松+觀景台看日落+美食街掃街

【香港行山】西貢隱世美景一日遊 荔枝莊地質公園欣賞沉積岩/ 白沙澳看歷史文物