香港小姐2024｜小紅書湧現佳麗面試心得 內地佳麗大起底 面試落選人：入選人生圖是在搞笑嗎？

年度選美盛事《香港小姐競選》每年都係焦點之一，首輪面試更加係最多人茶餘飯後話題。噚日（17日），就係《香港小姐2024》嘅首輪面試日，同前幾年一樣，今年都唔少來自內地嘅佳麗嚟參選，而佢哋面試後都紛紛喺小紅書等平台分享面試心得。

噚日，《香港小姐》首輪面試後一眾佳麗隨即成為網上熱話，唔少佳麗亦被起底，當中有幾名佳麗亦喺小紅書分享個人心得。貼文所見，當中有幾位佳麗都係喺香港讀書嘅內地生，亦有唔少係嚟自內地嘅佳麗，其中一位來自河南嘅劉洧妍，小紅書坐擁逾6000粉絲， 平日以香港旅遊及教授肚皮舞影片為主，而佢噚日亦因身穿平底鞋配白襪嘅裝扮而備受關注。

另外，除咗首次參加面試嘅佳麗外，亦有佳麗再次面試。當中中英混血兒Linda就透露自己2018年亦曾參與港姐面試，當時佢以藍色T-shirt白色短褲現身，更被指似朱古力吉祥物，亦成為當年熱話之一。

除咗一眾有參與面試嘅佳麗，亦有小紅書用家透露未被邀請參與首輪面試，更直言：「所以這TVB到底是什麼錄取標準？我自認為我起碼還是能入個面試一輪遊吧 今天一看入選人的生圖是在搞笑喺？」