香港影視娛樂博覽2021|TVB推12新劇靠馬國明孭飛兩劇演醫生 ViuTV推6劇幾乎套套有MIRROR

東方新地 - 娛聞
·12 分鐘文章

無綫和ViuTV兩大電視台日前在《香港影視娛樂博覽2021》公開今年將播放的新劇陣容,其中無綫以量取勝,一年就有12部新劇準備開播,包括人氣續集作《金宵大廈2》和《白色強人II》,以及大家期待已久的《唐人街》等,而ViuTV就將有6部新劇輪住上,其中最受粉絲期待的相信係由姜濤主演的港台合拍劇《超感應學園》,以及《二月廿九》續集《940920》!

文:東方新地|圖:劇照及預告片截圖

香港影視娛樂博覽2021|楊明仲多劇過馬明

無綫今年即將播映的12部新劇中,有《白色強人II》、《金宵大廈2》、《拳王》、《七公主》、《我家無難事》、《伙記辦大事》、《刑偵日記》、《把關者們》、《星空下的仁醫》、《唐人街》、《逆天奇案》及《智能愛人》,其中最受人關注的是兩部人氣劇的續集作《金宵大廈2》和《白色強人II》,不過撞正同一年的《星空下的仁醫》都係由馬國明扮演醫生角色,計落馬明出道22年,原來已演過13次醫生角色!

兩部劇都係演醫生,唔知觀眾分唔分得出邊套打邊套?
兩部劇都係演醫生,唔知觀眾分唔分得出邊套打邊套?
呢套冇戴眼鏡嘅,係《星空下的仁醫》!
呢套冇戴眼鏡嘅,係《星空下的仁醫》!

不過馬明今年都只係得《白色強人II》同《星空下的仁醫》兩部劇集開播,唐詩詠、楊明同陸永卻分別每個人有3部劇等住上,唐詩詠係《白色強人II》、《我家無難事》同已經拍咗好耐嘅《唐人街》,楊明則是《逆天奇案》、《伙記辦大事》同《我家無難事》,令人意外的是連陸永今年都有3部劇出街,包括《逆天奇案》、《七公主》、《智能愛人》,其中《逆天奇案》只係演出單元角色,《七公主》係陪襯,《智能愛人》卻是擔正,仲有機會咀李佳芯(Ali)!

估唔到咀Ali嘅機會竟然畀咗陸永!
估唔到咀Ali嘅機會竟然畀咗陸永!

無綫12部新劇率先睇:

1.《拳王》

做人同做拳手一樣!要喺承受幾重嘅拳之後,仍然可以企番身勇往直前!張振朗要克服哥哥譚俊彥因打拳受傷致死悲哀,佢仲要面對人生重重困難,挑戰拳王黎耀祥,目標係向著金腰帶之路進發。

視帝黎耀祥驚變鋼條身形。
視帝黎耀祥驚變鋼條身形。
張振朗在預告片中並無正面露肌。
張振朗在預告片中並無正面露肌。
「陸秋」朱敏瀚今次唔做打手做拳手,可以名正言順晒出一身結實肌肉。
「陸秋」朱敏瀚今次唔做打手做拳手,可以名正言順晒出一身結實肌肉。

2.《金宵大廈2》

陳山聰同李施嬅再續金宵大廈未了緣,兩人嘅姻緣會否曲折離奇,定係永遠觸不到呢?一共有十個迷離單元:《對倒》、《雙魚》、《姐姐》、《七樓半》、《城寨英雄GO!》、《嫁衣》、《原點》、《訪客》、《吃播》、《OPPA》貫穿整套劇。大家再次投入金宵大廈2嘅奇幻世界啦!

雖然係續集,但李施嬅與陳山聰今輯的角色與上輯不同。
雖然係續集,但李施嬅與陳山聰今輯的角色與上輯不同。
陳山聰今次飾演一名咖啡店店主,與李施嬅是一對情侶。
陳山聰今次飾演一名咖啡店店主,與李施嬅是一對情侶。
今輯共有十個迷離單元,特效比上輯更落重本。
今輯共有十個迷離單元,特效比上輯更落重本。

3.《白色強人II》

明成北醫院再次成為權力鬥爭之地,郭晉安飾演嘅楊逸滔同馬國明飾演嘅唐明,再次為開放藥物名冊踏上分歧之路。胡定欣飾演嘅葉晴主張成立藥研中心幫助市民,而佢同樣愛上唐明,仲向唐詩詠飾演嘅蘇怡挑釁。手術室內就係醫生同病魔嘅戰場,手術室之外就係人性嘅另一個戰場。

唐詩詠和馬國明這對將被胡定欣搞散。
唐詩詠和馬國明這對將被胡定欣搞散。
胡定欣一邊搶馬明,一邊仲要同郭晉安權鬥,非常忙碌。
胡定欣一邊搶馬明,一邊仲要同郭晉安權鬥,非常忙碌。
陳豪係今輯出現的新角色。
陳豪係今輯出現的新角色。
張曦雯將飾演陳豪的前女友。
張曦雯將飾演陳豪的前女友。
郭晉安今輯髮線似乎變得更加高。
郭晉安今輯髮線似乎變得更加高。

4.《把關者們》

香港海關守護香港,三大部門包括版權及商標調查科、貿易管制處、毒品調查課合力打擊罪行。香港海關全力協助,以真實場景展現把關精神。由袁偉豪、黃智雯、王敏奕、陳家樂及劉佩玥領銜主演。

這部劇集女主角之一有曾志偉新抱王敏奕,飾演劉佩玥同羅天宇等人的上司。
這部劇集女主角之一有曾志偉新抱王敏奕,飾演劉佩玥同羅天宇等人的上司。
黃智雯同陳自瑤劇中都有唔少捉犯的動作場面。
黃智雯同陳自瑤劇中都有唔少捉犯的動作場面。
雖然現年39歲的袁偉豪唔係Keep得咁好,但佢其實只係比陳家樂大五歲,呢組男丁入面最年輕係23歲丁子朗。
雖然現年39歲的袁偉豪唔係Keep得咁好,但佢其實只係比陳家樂大五歲,呢組男丁入面最年輕係23歲丁子朗。
劉穎鏇跑完《大步走》,到《把關者們》又係要跑,今次她在劇中將和丁子朗有感情線。
劉穎鏇跑完《大步走》,到《把關者們》又係要跑,今次她在劇中將和丁子朗有感情線。

5.《逆天奇案》

陳展鵬同黃智賢飾演香港警察,兩人遇上多宗奇案,有恐怖襲擊、有極度重案、有暗網暴行;每宗案件都要考驗推理分析能力,要破案就要逆向思考,思路就要破格,破解每個線索,將犯人拘捕。

陳展鵬今年有《逆天奇案》同《唐人街》兩部劇集出街。
陳展鵬今年有《逆天奇案》同《唐人街》兩部劇集出街。
黃智賢同陳展鵬都飾演香港警察,但將會有對立。
黃智賢同陳展鵬都飾演香港警察,但將會有對立。
有亂髮被綁架的麥玲玲。
有亂髮被綁架的麥玲玲。
又見陸永。
又見陸永。
仲有陸永的農夫拍檔C君。
仲有陸永的農夫拍檔C君。
難得拍劇的羅霖。
難得拍劇的羅霖。
JW亦有客串。
JW亦有客串。
仲有洪卓立。
仲有洪卓立。
又有丁子朗。
又有丁子朗。
馮盈盈。
馮盈盈。
跑到見到胸骨的劉佩玥。
跑到見到胸骨的劉佩玥。

6.《星空下的仁醫》(前名《兒科醫生》)

鄭嘉穎、馬國明、鍾嘉欣、周家怡同羅子溢都係兒科醫生,佢哋為小病人嘅身體、心靈及將來都盡心盡力去醫治。不過,病人不單只係小朋友,佢哋嘅父母原來同樣都需要治療。

《兒科醫生》改名《星空下的仁醫》,靈感相信取自鄭嘉穎2006年舊作《天幕下的戀人》。
《兒科醫生》改名《星空下的仁醫》,靈感相信取自鄭嘉穎2006年舊作《天幕下的戀人》。
又係馬明扮醫生,仲有周家怡回巢演出。
又係馬明扮醫生,仲有周家怡回巢演出。
羅子溢對住BB父愛滿瀉。
羅子溢對住BB父愛滿瀉。
何依婷飾演醫生變病人,有一幕慘慘豬喊戲。
何依婷飾演醫生變病人,有一幕慘慘豬喊戲。

7.《我家無難事》

鮑起靜、馬德鐘、楊明、車婉婉、胡㻗飾演一家人。而呢家人問題多多,每個人都有各自煩惱,不過齊心協力都有辦法去解決嘅。

鮑起靜、馬德鐘、楊明、車婉婉和胡㻗飾劇中演一家人。
鮑起靜、馬德鐘、楊明、車婉婉和胡㻗飾劇中演一家人。
王君馨劇中疑向楊明派綠帽。
王君馨劇中疑向楊明派綠帽。
馬德鐘與唐詩詠演離婚夫妻。
馬德鐘與唐詩詠演離婚夫妻。
馬德鐘囝囝馬在驤都有份演馬德鐘角色年輕版。
馬德鐘囝囝馬在驤都有份演馬德鐘角色年輕版。

8.《七公主》

七個同父異母女兒,因為父親留下遺囑要佢哋完成七個任務先至可以得到遺產。七個形同陌路嘅姊妹黃翠如、林夏薇、高海寧、江嘉敏、鄺潔楹、劉佩玥、陳瀅、陳曉華一齊要踏上一波七折神奇之旅!究竟係尋親之路,定係爭過你死我活呢?

《七公主》女角非常多,雖然話係七公主,但主要女角數埋都有八個。
《七公主》女角非常多,雖然話係七公主,但主要女角數埋都有八個。
令人意外的係動作戲都非常多,竟然連槍戰戲都有。
令人意外的係動作戲都非常多,竟然連槍戰戲都有。
江嘉敏同高海寧拍檔炮製笑彈。
江嘉敏同高海寧拍檔炮製笑彈。
男角方面主要有Keep得非常好的林韋辰。
男角方面主要有Keep得非常好的林韋辰。

9.《智能愛人》

AI機械人係幫助人類好朋友定係要人類嘅敵人呢?由李佳芯飾演嘅AI機械人,進入人類世界之後,所遇到嘅唔同人唔同嘅人性,佢會學識打牌、猜枚、爆樽?原來佢只需要學識講大話就可以係人類世界生存。

呢套劇有麥美恩、蔣志光、盧宛茵和陸永。
呢套劇有麥美恩、蔣志光、盧宛茵和陸永。
佳芯BB有性感著Bra Top出場的戲份。
佳芯BB有性感著Bra Top出場的戲份。
首次做男一的陸永一邊追求馮盈盈。
首次做男一的陸永一邊追求馮盈盈。
另一邊又冋佳芯BB做人工呼吸,認真有艷福。
另一邊又冋佳芯BB做人工呼吸,認真有艷福。

10.《刑偵日記》

由王浩信、惠英紅、姜皓文、袁偉豪、黃智雯、黎諾懿主演嘅《刑偵日記》以人格解離症為題材。王浩信飾演嘅葉勁峰有呢個症狀,佢成為殺人疑兇。究竟佢真係殺人犯,定係另有其人呢?

惠英紅同王浩信演母子,同樣係精神病患者。
惠英紅同王浩信演母子,同樣係精神病患者。
黃智雯生擒王浩信。
黃智雯生擒王浩信。
黎諾懿同劉穎鏇亦有咀戲。
黎諾懿亦有咀戲。
戴祖儀犧牲靚樣。
戴祖儀犧牲靚樣。
呢套亦有王敏奕。
呢套亦有王敏奕。
仲有菊梓喬客串。
仲有菊梓喬客串。

11.《唐人街》

60年代曼谷唐人街,華人係呢度嘅生活困難,為咗努力生存,不惜要用武力解決。唔少華人都係臥虎藏龍之輩,佢哋努力打拼都係想安居樂業。

呢套劇一路話上唔上,大家同陳展鵬一樣等咗好耐。
呢套劇一路話上唔上,大家同陳展鵬一樣等咗好耐。
男主角仲有陳山聰。
男主角仲有陳山聰。
伍允龍。
伍允龍。
谷胸唐詩詠最性感。
谷胸唐詩詠最性感。
姚子羚只係露肩。
姚子羚只係露肩。
王君馨亦相對密實。
王君馨亦相對密實。

12.《伙記辦大事》

歐陽震華、馬德鐘、萬綺雯、陳瀅、楊明主演嘅《伙記辦大事》,以東九龍交通意外調查組為骨幹,圍繞法庭、律師、重案組各個單位,破解多宗離奇案件,查明真相。

尚在拍攝中的《伙記辦大事》最勁係有歐陽震華。
尚在拍攝中的《伙記辦大事》最勁係有歐陽震華。

ViuTV6部新劇 陣容年輕

今年ViuTV推出的6部劇集,《940920》是去年人氣劇《二月廿九》的續集,繼續由吳海昕、劉俊謙擔正,並加入劉俊謙女友蔡思韵,而港版《大叔的愛》則是改編自人氣日劇,除了大叔黃德斌外,更有Edan(呂爵安)、Anson Lo(盧瀚霆)等多個MIRROR成員參演,另外4部劇集則有郭羨妮、劉心悠和栢天男等主演的《冥冥之中》,姜濤與Anson Lo到台灣拍攝的《超感應學園》,Ian(陳卓賢)擔正的《無限斜棟有限公司》,還有由凌文龍、彭秀慧、楊樂文(Lokman)及Stanley(邱士縉)等演出的《IT狗》,大部分陣容都非常年輕,MIRROR成員更遍布各劇,滿足一眾粉絲!

1.《940920》

因為和楚凝(蔡思韵飾)的約定, 余家聰(劉俊謙飾)組織了 「神聖幾何學會」,處理、排解一切和神秘學有的難題、個案。某天,他收到一封來自台灣的信,信裡面只有一行字「940920」,署名「林楚凝上」。家聰難以置信,楚凝竟然知道他母親的死忌,但他卻不解這封信的用意,決定啟航台灣。林楚凝,是誰?她是改變余家聰價值觀的女生。

吳海昕。
吳海昕。
劉俊謙。
劉俊謙。
蔡思韵。
蔡思韵。

2.《大叔的愛》

單身、異性緣欠奉的地產代理田一雄(Edan@MIRROR飾演),某日意外發現上司翟國強KK(黃德斌飾演)的手機裡竟存有大量偷拍他的相片。眼見秘密敗露,KK只好直接向阿田告白,更與結婚廿載的妻子Francesca(簡慕華飾演)提出離婚。另一方面,阿田的姊姊因懷孕而要離家養胎,剛巧新同事凌少牧(Anson Lo@MIRROR飾演)正在尋覓住處,於是便搬到阿田家與他成為室友⋯⋯

Edan和飾演他上司的黃德斌。
Edan和飾演他上司的黃德斌。
Anson Lo(右二)亦會追求Edan!
Anson Lo(右二)亦會追求Edan!

3.《冥冥之中》

《冥冥之中》以科幻做題材,講述一間用連鎖效應死亡事件去平衡人口的神秘公司。相隔六年再拍港劇的郭羨妮,劇中與潘燦良、港男呂熙均有感情線及親熱戲。此外劇集還有劉心悠、栢天男、蘇志威及陳嘉倩等參演。

呂熙同郭羨妮。(呂熙IG圖片)
呂熙同郭羨妮。(呂熙IG圖片)

4.《超感應學園》

因一次意外,「超自然感應社」的石頭(蔡凡熙飾)為救心儀女生培安(林思廷飾)而溺斃。死後,陰間引路人小路(劉奕兒飾)發現收錯魂,用法力令他復活。二人犯禁,必須將功補過,否則二人將永不超生。一人一鬼就重回陽間,展開了圓滿孤魂野鬼未了遺憾的任務。漸漸,陽間的石頭竟愛上了陰間的小路,二人又再犯禁⋯⋯

(左起)白靜宜、蔡凡熙、劉奕兒、姜濤及洪群鈞。
(左起)白靜宜、蔡凡熙、劉奕兒、姜濤及洪群鈞。
同為MIRROR成員的Anson Lo和姜濤。
同為MIRROR成員的Anson Lo和姜濤。

5.《無限斜棟有限公司》

一家已經停止營運十年有餘的偵探社,由三位迷失的「斜棟青年」(Slasher)陳家晞(盧慧敏飾)、張諾恆(陳卓賢飾)和李展翹(黃定謙飾)改變成「無限斜棟有限公司」,專門為世界解決各類煩雜問題如偵測、尋人、尋物、運送、示愛、分手、㧜煲等,只要不犯法甚麼都做。

黃定謙、盧慧敏及Ian@MIRROR。
黃定謙、盧慧敏及Ian@MIRROR。
黃光亮、太保、吳家麗、葛民輝等都係委託三人解決各種問題的客戶。
黃光亮、太保、吳家麗、葛民輝等都係委託三人解決各種問題的客戶。
葉童飾演盧慧敏的久別重逢的母親。
葉童飾演盧慧敏的久別重逢的母親。

6.《IT狗》

《IT狗》這部正在拍攝中的劇集在《香港影視娛樂博覽2021》首度曝光,這部劇集被指是一個負能量的熱血殘酷勵志喪笑喜劇,由簡君晉執導、羅耀輝和林淑賢監製,演員陣容有凌文龍、陳漢娜、彭秀慧、楊樂文(Lokman@MIRROR)、邱士縉(Stanley@MIRROR)、岑珈其、陳湛文、周祉君、余逸思和王頌茵(Kathy仔)等,劇情講述阿信(凌文龍飾)本是一家銀行IT部的小主管,後被公司解僱,女朋友亦離他而去。雙失的他仍樂觀地堅守自己的創業夢。他在剛開業的共享辦公室「Born Hub」租了一張小小的辦公桌,希望把「宴會人情APP」這個意念實現。

凌文龍曾於2018年憑《黃金花》奪得「第37屆香港電影金像獎」最佳新演員獎。(凌文龍IG圖片)
凌文龍曾於2018年憑《黃金花》奪得「第37屆香港電影金像獎」最佳新演員獎。(凌文龍IG圖片)

延伸閱讀:

陳自瑤IG遭駭客入侵 被勒索500美元「贖金」

吳業坤18日完成京都步行東京 戴住單邊爛眼鏡挑戰「東海道53次」 坤哥:「趁這副機器還未老」